MikeLigalig.com

Ni GUAM P. LOGROÑO ug SHEILA C. GRAVINEZ





TINDERA nipasangil sa usa ka pari nga nidukol sa ulo, nilabnot sa buhok ug nisukmag kaniya dihang iyang gitubag-tubag sa pagpangasaba kaniya.

Ang 37-anyos nga ginang niangkon nga iyang giguba ang kandado sa main gate sa simbahan kay magkuha unta siyag supply sa burger sa ilang tindahan nga nahimutang sa compound sa simbahan niadtong Miyerkules sa alas 6:45 sa buntag sa Barangay Bitoon, Dumanjug, Sugbo.

Si Teresita Timtim Sambrana, 37, dalaga, taga Barangay Lawa-an, Alcantara, tindera sa Bigmak Burger nipasangil kang Fr. William Ybañez, 51, kura paroko sa Saint Vincent Parish Church sa Bitoon, nga nanapat kaniya.

Mga tawo nagtuo sa sinugdan nga magtiayon ang nag-away tungod sa kadagko sa mga tingog.

Linkback: https://tubagbohol.mikeligalig.com/index.php?topic=80881.0

Matod ni Villarin nga nangutana si Ybañez kon unsang kasong iyang ipasaka.

Wa motubag si Sembrana kay nahadlok sa pari. Ang pulis maoy mitubag nga physical injury.

“Maayo gani wala ka ma-intimano, sulti sa pari nga miatubang sa biktima,” kutlo ni Villarin kang Ybañez.

Ang mga testigos ni Sambrana nipadayag sa ilang kasagmuyo sa gipakitang taras sa kura paroko.

Matod ni Villarin nga ang mga saksi andam moabag ni Sambrana kon moduso og reklamo batok sa pari.

“Nagkurog na man to siya, Sir! Wala makatarong sa pagsuwat. Ako giingnan nga ayaw na kahadlok.

Dili na ka unsaon anang Father. Naa ka diri sa police station,” dugang ni Villarin.

Samtang, gikondenar sa Artsidyosesis sa Sugbo ang giingong pagkulata.

Si Msgr. Joseph Tan, tigpamaba sa artsidyosesis, nagkanayon nga dili haom sa usa ka pari ang gii­ngong gibuhat ni Ybañez kon tinuod man ang pa­sangil batok niini.

Hatagan nila og higayon si Ybañez nga makapa­nalipod sa iyang kaugalingon.

Si Tan niawhag ni Sambrana nga moduso og re­klamo batok ni Ybañez ngadto kang Cebu Archbi­shop Jose Palma.

Kon tinuod ang pasangil batok ni Ybañez, ang artsidyosesis ang mangayo og pasaylo sa inhustisya nga gibuhat ni Ybañez, matod ni Tan. (Dugang taho sa Sun.Star Cebu)


Gipatik sa mantalaang SuperBalita Cebu Septembre 04, 2015.

Linkback: https://tubagbohol.mikeligalig.com/index.php?topic=80881.0