Ni Bryner L. Diaz, EIM (Banat) | Updated August 2, 2015 - 12:00am
CEBU, Philippines - Natanggong sa karsel sa Cebu City Police Office ang usa ka kalaki nga gipasanginlang mipalit og corned beef gamit ang mini nga kwarta pasado alas-7 sa miaging gabii sa Middle Nivel Hills, Brgy. Apas, sa dakbayan sa Sugbo.
Ang nasikop naila nga si Ariel Ortado, 32, human gireklamo sa tindera sa usa ka sari-sari store nga fake ang iyang kwartang gigamit og palit.
Ang mga sakop sa Investigation and Detective Management Branch sa Cebu City Police Office mao ang miresponde sa maong alarma nakakuha gikan sa suspek og P1,000, P100 ug P50 nga gituohang mini nga mga kwarta.
Dugang pa sa reklamante dili lang kadto ang unang higayon nga nabuhat ‘to sa suspek tungod kay duna say lain nilang silingang naay sari-sari store gipalitan sab niya og bugas gamit ang P1,000 nga mini nga kwarta.
Mag-atubang og kasong kalapasan sa Article 168 sa Revised Penal Code kon paghupot og fake money si Ortado. (BANAT NEWS)
Linkback:
https://tubagbohol.mikeligalig.com/index.php?topic=80663.0
Topic: Nipalit de lata gamit pekeng kwarta: gireklamo sa tindera, sa karsel napunta (Read 623 times)