Sa pasiuna nga imbestigasyon nga gihimo ni SPO4 Rey Cuyos ug mga kauban sa Homicide Section sa Cebu City Police Office, ang mga suspek diha lang sa ilang balay sa dihang niabot ang biktima nga nagdala og sundang ug nanghasi sa magtiayon.
Nakasulod sa tugkaran ang biktima dala ang sundang ug unang natigbasan ang suspetsado nga si Gina, kinsa naigo sa bukton.
Ang bana nga nakakita nga samaron ang iyang asawa, nakapunit og kahoy ug gibunalan ang ulo ni Ragasajo hangtod nga natumba.
Si Gina nga samdan, nikuha usab sa ilang sundang ug gitigbas makadaghan nga higayon ang iyang igsuon nga natumba sa yuta.
Naalarma ang mga silingan sa panag-away hinungdan nga dali silang ningtaho sa kapulisan.
Ang kapulisan daling nidala kang Ragasajo sa tambalanan, apan gi-deklarar nga dead on arrival.
Si Gina gidala usab sa tambalanan tungod sa iyang samad tinigbasan.
Human matambali, giaresto siya sa kapolisan uban sa iyang bana ug anaa temporaryong gibilanggo sa Guadalupe Police Station.
Pasiuna nga nasayran sa kapolisan, panagbangi sa yuta ang posibling sinugdanan sa panag-away tali sa managsuon.
Linkback:
https://tubagbohol.mikeligalig.com/index.php?topic=78258.0
Topic: Nanulong nga armado og sundang gibunalbunalan gitigbastigbas patay (Read 642 times)