Ni STEPHANIE V. BERGANIO
DEAD-on-the-spot ang usa ka lalaki human naigo sa kusog nga liti niadtong nilabay'ng adlaw sa Barangay Poblacion, lungsod sa Lagonglong, Misamis Oriental.
Giila ang biktima nga mao si Romeo Patpat, 53, minyo, residente sa susamang dapit.
Si Police Inspector Danilo Popera, hepe sa Lagonglong Police Station nga nainterbyu sa Sun.Star SuperBalita, niingon nga basi sa ilang inisyal nga imbestigasyon, natulog lamang niadtong tungora ang biktima sa payag niini nga nagtupad sa dalunggan ang transistor radio.
Tungod usab kay hawan kon open space ang dapit sa gikatulgan niini dihang militi og dako, posibleng gidakop sa kuryente ang transistor radio, hinungdan nga maayong pagkasunog sa dalunggan nga bahin sa biktima.
Nasuta usab gikan niini nga ang biktima nag-inusara lamang niadtong tungora sa maong payag tungod kay milakaw iyang pamilya.
Gani gisuwayan pa kini pagdala sa duol nga tambalanan sa lungsod sa Balingasag, Misamis Oriental, apan gideklarar kining dead-on-arrival.
Kagahapong adlawa, ang biktima gidala na sa iyang katapusan nga kapahulayan.
Tungod usab sa maong insidente, nanawagan si Popera sa mga residente sa dapit nga kung mahimo ug kung mamatikdan nga magkilat, palungon ang telibisyon, cellphone, ug uban pang butang nga posibleng dakpon niini aron likay sa disgrasya.
Gipatik sa mantalaang SuperBalita Cagayan de Oro Septembre 08, 2015.
Linkback:
https://tubagbohol.mikeligalig.com/index.php?topic=80906.0