Author Topic: Libreng operasyon sa mga bungi himuon  (Read 640 times)

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Libreng operasyon sa mga bungi himuon
« on: May 28, 2015, 10:05:10 AM »
Ni Amel Love Suscano (Banat) | Updated May 28, 2015 - 12:00am


CEBU, Philippines - Gibanabanang 150 ka mga batang bungi ug dunay deperensiya sa dagway ang mahatagan unya og higayon sa free reconstructive surgery sa lima ka adlaw’ng medical mission nga gipahigayon sa Operation Smile Cebu Mission sa Adventist Hospital (kanhi Miller Hospital) karung umaabot nga Hunyo 15 sa dakbayan sa Sugbo.

Ang Operation Smile Cebu Mission kabahin sa usa ka dakong surgery mission alang sa mga bungi sa lima ka mga lugar nga naglakip sa Bacolod City, Davao City, Manila, Bacolod, ug Pampanga.

Sumala pa sa Operation Smile, usa sa nag-unang congenital defect diri sa nasud ang cleft palate o bungi. Usa sa kada 500 nga bag-ong gipanganak o mokabat sa 5,000 ka Pilipino kada tuig ang ipanganak nga ingon niini.

Gibanabanang 140,000 ang gipanganak nga adunay depekto gikan sa tuig 1982 hangtud 2014, ug mga 100,000 niini ang wala maoperahi. Matud pa nahikawan sa maong depekto ang mga bata nga makaestorya og tarong ug ang uban tamayon maong ang mga batang duna niini nawad-an na og pagsalig sa ilang abilidad.

Sumala pa ni Ramona Aliño, executive director sa maong proyekto karong Hunyo, 150 ka mga bata ang gusto nilang maoperahan. Ang screening alang sa maong Cebu Mission himuon karung umaabot Hunyo 14, 2015 sa Adventist Hospital.

Ang operasyon molanat lang og 45-minutos. Mahal kini nga matang sa operasyon kun adto himuon sa mga pribadong klinika diin mogastos ang ginikanan og P60,000.

Mao na kini ang ika-17 ka tuig nga susamang medical mission sa grupo ubos sa pag-abag sa Mariquita Salimbangon-Yeung Charitable Foundation Inc. diin miabot na og 3,601 ka mga batang bungi o 13 ka porsiyento sa tanang batang bungi sa nasud ang ilang natabangan.

“Kining misyon mopadayun hangtud sa kining mga depekto mawala na,” asoy ni Mariquita Salimbangon-Yeung, ang chairperson sa foundation.

Natukod ang Operation Smile niadtong tuig 1982 ni William P. Magee kauban ang iyang asawa nga si Kathleen S. Magee. (BANAT NEWS)

Linkback: https://tubagbohol.mikeligalig.com/index.php?topic=80055.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

Tags: