Ni KRIS C. SIALANA
NAWAD-AN sa panimoot ang usa ka batan-on human nga gihapak og bato sa duha ka wala maila nga mga suspetsado Martes mga alas 6:00 sa buntag sa Divisoria, dakbayan sa Cagayan de Oro.
Talandugon ang kahimtang sa biktima nga si Jeth Baylon, 22, ulitawo nga taga Zayas ning dakbayan.
Gibutyag sa barkada sa biktima nga si Joshua nga nangatulog lamang kini sila sa may Divisoria kay lage gikan kini nitabang sa ilang ginikanan nga namasura.
Giingong mao pa ang pagmata sa biktima apan gitagbo lamang kini sa duha ka wala maila nga mga suspetsado ug gihapak og bato diha mismo sa iyang ulo, hinungdan nga nawad-an kini sa panimoot nga gidala sa Northern Mindanao Medical Center ning dakbayan.
Dali nga misibat ang wala maila nga suspetsado human nga nakuyapan ang biktima agi sa paghapak sa bato.
Gipatik sa mantalaang Superbalita Cagayan de Oro Pebrero 17, 2016.
Linkback:
https://tubagbohol.mikeligalig.com/index.php?topic=81867.0