MikeLigalig.com

Ni KRIS C. SIALANA


WALAY nahimo ang usa ka babaye dihang kalit nga giduolan sa wala maila nga adunay deperensiya sa pangisip niadtong Huwebes samtang nagbaklay sa Capistrano Street, dakbayan sa Cagayan de Oro.

Nagpatala ang biktima nga nailang si Edna (apilyedo gipatago), 51, minyo nga taga Zayas Carmen ning dakbayan.

Sa nahipos nga impormasiyon gikan sa Police Station 1 (PS1) sa Divisoria nasayran nga nakurat na lamang ang biktima sa dihang kalit nga giduolan sa usa ka babaye nga giingong boang ug gisagpa.

Gidugang pa nga igo lamang kini nga nagbaklay sa maong dapit apan gisagpa sa maong wala maila nga babaye hinungdan nga nagpatala na lamang kini gumikan sa kahadlok ug kaulawon.

Giingong maayo na lamang nga dali kining nakapalayo gumikan kay posible nga layugon kini sa maong boang kay lage daw nasuko kini pag-ayo.

Sa pagkakaron ang maong insidente ang nakatala na sa maong buhatan alang sa tukmang disposasiyon.


Gipatik sa mantalaang Superbalita Cagayan de Oro Abril 09, 2016.

Linkback: https://tubagbohol.mikeligalig.com/index.php?topic=82183.0

Opkors, way makatag-an kanus-a ang kabuang mosugmat,
Di sama sa bulan nga sayod ta kanus-a ang takdol.
Mao nga pagbantay sa tawo nga imong ikahimamat--
Wa ka masayod unsa kahay abilidad sa kuwanggol.





Linkback: https://tubagbohol.mikeligalig.com/index.php?topic=82183.0