Ni DOMILYN R. PICO
GIPUSIL patay ang usa ka kagawad alas 8:33 sa buntag kagahapon, sa Purok Sampaguita, Manga, Visayan Village, dakbayan sa Tagum.
Giila ang kagawad nga si Loreto Tan, 50, minyo ug residente sa Purok Durian, Barangay Apokon, ning dakbayan.
Si Tan gikatahong kagawad sa Barangay Anibongan, lungsod sa Maco, Compostela Valley Province.
Sa inisyal nga imbestigasyon, nasubay nga naglingkod lamang atubangan sa Nappi Bakeshoppe ang biktima dihang kalit miabot ang mga suspek nga nagsakay og pulang Rouser nga motorsiklo apan wala’y plaka.
Mihunong sa tungod ang mga nakamotor kon diin ang nag-angkas maoy nanaug ug miduol sa biktima, dayon mihulbot og armas ug mipusil siya makadaghang higayon.
Wa pa matagbaw, gipusil usab sa mga suspetsado ang puting Yamaha XTZ sa biktima, dayon mibalik og angkas sa iyang kauban sa motor ug mikagiw.
Patay gilayon ang biktima nga gikataho’ng gihaya sa Rubio Funeral Homes sa maong dapit.
Gihulagway nga ang nagpusil sa biktima nagsuot lang og blue nga T-shirt, nakamaong og pantalon, kasarangan ang panglawas ug 5'2 o 5'4 ang gitas-on.
Samtang gikalapa kining balita, blangko pa ang kapulisan sa motibo sa krimen.
Gipatik sa mantalaang Superbalita Davao Hulyo 09, 2016.
Linkback:
https://tubagbohol.mikeligalig.com/index.php?topic=82485.0
Topic: Kagawad sa daplin sa dalan malinawong nagpaantaw--takulahaw lamang siya giihaw (Read 678 times)