MikeLigalig.com

Ni JEEPY P. COMPIO


GIPATAY ang usa ka asawa nga maestra sa iyang kaugalingong bana human nasayran nga adunay giingong tago nga relasyon sa school director sa pribadong tunghaan nga iyang gitudloan.

Ang pagpatay nahitabo alas kwatro sa hapon niadtong Dominggo, Agosto 21, didto sa ilang balay sa Gentiles Compound, Barangay Toril Poblacion, dakbayan sa Davao.

Nailhan ang biktima nga si Jacky Lou (bansagon gitago tungod sa hangyo sa kabanay), magtutudlo sa usa ka tunghaan sa Barangay Baliok, Talomo District ning siyudad.

Si Jacky Lou adunay upat ka gagmay nga mga anak.

Sa inisyal nga imbestigasyon ni Senior Police Officer 2 Leo Romero, Arson and Homicide Section investigator sa Toril Police Station, nasayran nga misulong ang suspek nga si Armando, sa tunghaan nga gitudloan sa iyang asawa nga natunong nga dunay nagpadayon nga programa nga Family Day ang tunghaan.

Subay sa report sa kapulisan, kalit gikompronta sa suspek ang school director sa tunghaan gumikan sa pagtuong dunay tago nga relasyon sa iyang asawa.

Ang school director gitawag nga pari sa iyang kongregasyon.

Tungod sa maong hitabo, nakurat ang mga ginikanan nga mitambong sa Family Day.

Una niini, nadunggan sa mga silingan nga nangayo pa og panabang ang biktima human sa panaglalis ug taud-taod napalgan nalang sa mga silingan nga patay na ang biktima.

Nakuha sa nahitaboan ang kutsilyo nga nabulit og dugo nga maoy gigamit sa pagdunggab sa makadaghang higayon.

Hinuon daling nasikop ang suspek sa kapulisan ug Task Force Davao human misulong sa tunghaan ang suspek.

Ang suspek gibalhog karon sa selda sa kapulisan samtang ang biktima gihaya sa Angel Funeral Parlor sa Toril.


Gipatik sa mantalaang Superbalita Davao Agosto 23, 2016.

Linkback: https://tubagbohol.mikeligalig.com/index.php?topic=82688.0

Gidugang niini nga dunay higayon nga mismong ang iyang asawa pa ang misulti niya nga naa silay relasyon sa pari.

“Naay usahay, kung maglalis mi, moangkon gayud siya nga naa silay relasyon sa pari. Kaduha na niya gisulti sa akoa. Usahay moinit akong ulo ug moluom nalang ko,” sulti niya.

Gisaysay sab sa suspek nga tungod kay wala na niya naantos ang sitwasyon, nakahukom siya nga patyon nalang ang asawa.

Dugang sa suspek nga andam niyang pamatud-an nga wala siya makagamit og ilegal nga droga ug wala sab siya nagapanigarilyo.

Giingon niya nga dunay higayon nga ilang maistoryahan sa iyang asawa nga mobalhin nalang sa laing eskwelahan, apan di mosugot iyang asawa.

“Nahisgutan namo nga mobalhin siya, pero di gayod siya mobalhin og eskuwelahan,” sulti sa suspek, kinsa midugang nga giuli hinuon sa iyang asawa ang ilang singsing sa kasal panahon mag-away sila.

“Nag-Surigao na sila,” sulti ni Armando labot sa lakaw sa iyang asawa uban ang pari nga giingon nilang outing sa eskwelahan.

Suma sa suspek nga misamot ang iyang kasuko human iyang nasayran nga Sabado palang sa gabii, Agosto 20, naghinay-hinay na og impake sa mga gamit ang iyang asawa kay makigbulag na kaniya.

“Naghubog ko, mao tong Dominggo sa hapon wa na ko nakaagwanta, nabuhat gayud nako,” panapos sa suspek.

Linkback: https://tubagbohol.mikeligalig.com/index.php?topic=82688.0

*****

Di tawhanon

Giingon ni Jackielyn nga di tawhanon ang gihimo ni Armando butang nga walay kabutangan sa ilang kasuko ug kinahanglan nga masilutan siya sa bilanggoan.

“Suko gayod mi kaayo kang Armando. Hinuon, wala mi masuko sa iyang pamilya, pero unta magtinabangay aron matambagan si Armando kay mosumbong gayod among igsuon nga ginakulata gayud siya,” sulti niya.

*****

Di magluib

Dako ang pagtuo sa pamilya sa babaye nga dili gayud mahimo ni Jacky Lou ang pagluib kang Armando tungod bisan sa pagpangarte di na niini mahimo gumikan sa kahadlok sa bana.

“Hatagan nako'g make-up ug lipstick di gani gamiton kay mahadlok, kay kana lagi mangulata si Armando. Mao nga di gayud to mahimo sa akong igsuon nga magluib,” saysay pa.

Linkback: https://tubagbohol.mikeligalig.com/index.php?topic=82688.0

sa davao. aguy.  

Linkback: https://tubagbohol.mikeligalig.com/index.php?topic=82688.0