Ni GUAM P. LOGROÑO
PINUTI nitaop sa buko-buko sa mag-uuma nga gipatay sa iyang ig-agaw human sila magkasinukmagay kagahapon sa alas 5 sa kadlawon sa Barangay Pañas, lungsud sa Dalaguete.
Si Gilbert Empig, 38, minyo, mag-uuma, namatay human nitaop sa iyang buko-buko ang pinuti nga gigamit sa iyang ig-agaw nga si Julis Empig, 38, ulitawo, mag-uuma.
Si PO3 Rodrigo Peo, imbestigador sa Dalaguete Police Station nga nahinabi sa Superbalita Cebu, nagkanayon nga ang biktima nakigsinumbagay sa iyang pag-umangkon atol sa disco sa fiesta sa ilang lugar kagahapon sa kaadlawon.
Si Julis niuwang sa sinukmagay, ilang gipapauli si Gilbert aron matulog kay hubog na kaayo.
Apan pipila ka oras ang nilabay, nibalik si Gilbert sa gawas sa diskuhan ug gibadlong ni Julis hinungdan nga sila nagkalalis.
Nagkasinukmagay ang duruha ug nauwang sa ilang mga kabanay ug mga barangay tanod.
Gipapauli si Gilbert sa iyang mga kabanay.
Linkback:
https://tubagbohol.mikeligalig.com/index.php?topic=82289.0