Ni Bong Soriano, RUB (Banat) | Updated April 2, 2014 - 12:00am
CEBU, Philippines - Nahiagum ug lima ka samad dinunggaban ang usa ka security guard samtang nag-inom didto sa Brgy. Poblacion, lungsod sa Cordova kagahapon sa kaadlawon.
Ang biktima mao si Pablo Abala, 41, ulitawo, ug gwardya sa usa ka mall sa Cordova.
Sa imbestigasyon ni SPO3 Laurencio Wagwag nasuta nga human sa duty ni Abala wala pa kini mopauli dayon og uban sa iyang hinigugma nag-inom pa kini og beer sa usa ka imnanan.
Dunay usa ka tawo nga hubog nga kalit miduol kanila og nahitabo ang panaglalis. Wala makabantay si Abala nga magdala diay ug kutsilyo ang hubog dayong dunggab kaniya.
Ang biktima nahiagum ug lima ka samad dinunggaban sa lainlaing bahin sa kalawasan hinungdan nga gidali kini ug pagdala sa Mactan Doctors Hospital diin kritikal pa ang kondisyon ni Abala.
Sa pagresponde sa kapolisan didto sa dapit-nahitaboan wala na ang tawo nga midunggab ni Abala og wala usab makaila ang mga mulopyo sa maong dapit kaniya. (BANAT NEWS)
Linkback:
https://tubagbohol.mikeligalig.com/index.php?topic=78060.0