Samtang gipanghimakak ni Harris ang alegasiyon sa pakighinabi sa SunStar SuperBalita nga iyang giilad ang Amerkano, gumikan kay dili kini ang iyang ka-chat ug ang iyang ig-agaw nga si Jessel, 27, adunay kaipon nga taga Iligan City, ang tinuod nga kasabot sa Amerkano ug ang nagdawat sa kwarta niini nga gipadala.
“Ang ig-agaw gayud nako ato ang iyang ka chat, di man siya kaadto di ako na lang ang nitagbo niya sa airport mao to amo siya’ng gitagbo diri kay first time biya niya diri. Nalooy ko sa kano, wala man kaayo nakapaminaw sa akong side si Frank, wala gayud koy nakuha bisan piso,†pahayag ni Harris.
Nasayran nga nagkaila pinaagi sa dating site sila si Ross ug Jessel niadtong bulan sa Nobyembre tuig 2016. Nagpadayon ang kumonikasiyon pinaagi sa Facebook ug nakuha na niini ang iyang pagsalig hinungdan nga sa dihang nangayo kini og kwarta kay lage adunay mga problema pinansiyal, nagpadala si Ross sa ka-chat nga mikabat sa $1,445 gikan Nobyembre hangtod Enero 20 ning kasamtangang tuig.
Giingong nagkasabot na ang duha nga magminyo ug magkita unta niadtong Enero 23 ning tuig sa Laguindingan Airport apan wala’y mitagbo kaniya ug miingon ipadiretso na kini sa usa ka hotel ning dakbayan sa Cagayan de Oro nga nahimutang sa Capistrano-Yacapin.
Linkback:
https://tubagbohol.mikeligalig.com/index.php?topic=85250.0
Topic: Gitulon ang kaulaw ug inubanan sa yawyaw Kano nga nailad sa bayut durong tiyabaw (Read 997 times)