Ni JEEPY P. COMPIO
NAGPUNGASI sa kalagot nga nagpa-blotter sa Talomo Police Station ang usa ka ginang sanglit gisaway nga pisot ang iyang bana niadtong Martes sa hapon.
Ang nagpatala sa Presinto 3 mao si Bernadeth (bansagon gitago), 50, nagpuyo sa Barangay Catalunan Grande, Talomo District, siyudad sa Davao.
Uban ni Bernadeth iyang bana nga si Rex, kinsa maoy giingnan nga pisot sa ilang silingan nga si Mercy, 45, ug anak niini nga si Gary, 22, human sila nagkabangi nga misangko sa damage to property.
Mitug-an ang magtiayon sa pulis nga dihang migawas sila sa balay naulawan sila kay misinggit ang ilang silangan, "Gawas mo diha, mga Ilonggo nga pisot, pamatyon ta mo!"
Giingon nga nahutdan na og pasensya ang mga nagreklamo human gipangdukdok sa mag-inahan ang ilang gate uban sa pagsinggit-singgit.
Ang mag-asawa gipahimangnoan sa pulis nga ipatawag ang mga gireklamo sa barangay aron didto sila husayon.
Gipatik sa mantalaang Superbalita Davao Abril 28, 2016.
Linkback:
https://tubagbohol.mikeligalig.com/index.php?topic=82241.0
Topic: Ginang nag-uros-uros sa kapungot sanglit ang iyang bana gisaway nga pisot (Read 783 times)