MikeLigalig.com

Ni Lesley Caminade-Vestil (Banat) | Updated April 20, 2013 - 12:00am
 

CEBU, Philippines - Namatay ang  usa  ka snatcher human  kini  dunggaba sa dalan Juan Luna , sa barangay  Sto. Niño, dakbayan sa Sugbo sa  miaging gabii.

Ang biktima nailhan nga si Cenon Gallardo, 23, taga sitio San Roque, barangay Ermita, usa  ka  inila  kaayong  snatcher, sumala  sa kapolisan.

Gidunggab nga nagtalikod diin ang kutsilyo milapos sa iyang  dughan nga maoy hinungdan sa hinanali niining kamatayon.

Matud pa ni Chief Insp. Wildemar Tui, hepe sa Waterfront Police Station nga ilang nasikop ang biktima human kini  manglabni og butang sa may pier area. Apan nianang pagkahapon ila kini nga gibuhi-an kay nagdumili man sa pagpasaka og kaso ang nabiktima ni Gallardo.

Nagpaingon na pauli sa ilang balay ang biktima dihang gisundan sa wala  hiilhing tawo ug sa walay igong hinungdan gihansakan ang likod niini og kutsilyo nga milapos sa iyang  dughan. Sa pagkakaron gisuta sa kapolisan ang usa ka ginganlan og Oman nga maoy  usa sa gidudahang nanunggab sa biktima. (WC) (BANAT BALITA)

Linkback: https://tubagbohol.mikeligalig.com/index.php?topic=72090.0

Hmm, anadir anggol ob da nyos...


`Isnatser’ gipatay sa kauban nga napriso

 
Ni Jonathan F. Tumulak
SuperBalita Cebu
Saturday, April 20, 2013


ISNATSER nga bag-ong nakagawas sa bilanggoan gi­dunggab sa gidudahang tulisan nga kadungan niya paggawas pasado alas 5 sa hapon niadtong Huwebes sa dalan Juan Luna, Barangay Santo Niño, dakbayan sa Sugbo.

Ang biktima nga nakaangkon og duha ka mga samad dinunggaban sa buko-buko giilang mao si Cenon Gallardo, 23, taga San Roque, Barangay Ermita samtang ang suspek giilang mao si Randy Nacar 36, iya rang silingan.

Sa pasiuna nga imbestigasyon gihimo sa mga sakop sa Homicide Section sa Cebu City Police Office (CCPO) nagkanayon nga nakit-an nga nagdungan sa pagpanglakaw ang duruha.

Wa magdugay nibunot og kutsilyo ang suspetsado ug gidunggab ang biktima.

Sa dihang nalup-og na ang biktima, ang suspek daling nibiya sa dapit.

Matod ni PO1 John Paulo Saberon sa Waterfront Police nga gikan sa ilang station ang biktima ug ang suspek.

Si Gallardo nadakpan sa milabay nga adlaw human gidudahan nga nanglabni sa butang sa usa ka babaye samtang si Nacar gidakop usab sa samang adlaw human gidudahan nga nitulis sa usa ka babaye.

Apan ang tagsa-tagsa nila ka mga biktima wa mopasaka kanila og kaso hinungdan nga sila gipangbuhian.

Matod ni Saberon nga si Gallardo maoy nitug-an nga si Nacar maoy nitulis sa babaye human sila mag-abot sa usa ka lugar diin ilang gihimo ang ilang tagsa-tagsa ka kremin.

“Ang biktima nakakita sa suspek nga maoy nanulis ug maoy mihatag og impormasyon namo mao na nga among nadakpan,” matod ni Saberon.

Linkback: https://tubagbohol.mikeligalig.com/index.php?topic=72090.0

a case of a pot calling the kettle black.

Linkback: https://tubagbohol.mikeligalig.com/index.php?topic=72090.0

sa amo dapit sa cebu nga naay reputation ang barangay nga daghang thieves, madungog dayon nga nakagawas na si so-and-so sa prisohan, mao nga mag-andam na pod tanan, doblehon ang vigilance kay sure gyod nga naa na poy kawat.  pahuway ra para nila ang prisohan.  free chow pa.

Linkback: https://tubagbohol.mikeligalig.com/index.php?topic=72090.0