Ni STEPHANIE V. BERGANIO
NAGKADAIYANG samad sa lainlaing parte sa lawas ang naangkon sa usa ka lalaki human gitabangan og luba ug tigbas niadtong nilabayng adlaw mga alas 10:00 sa gabii sa Barangay 5, lungsod sa Talakag, Bukidnon.
Gi-ila ang biktima nga si Archie C. Obod, residente sa susamang dapit.
Gitumbok nga suspetsado mao sila si John Raffy Lalaan, Rendel Lalaan alyas Tibor ug Richard Caraga alyas Rick-Rick, pulos hingkod ang mga edad, ug mga taga Barangay Baylanan, susamang lungsod.
Sa inisyal nga imbestigasyon ni Police Officer 3 Norman Egar sa Talakag Police Station nasuta nga ang biktima kuyog ang laing usa ka higala niini ang mitabang og badlong sa tulo ka mga suspetsado nga unang nagkalalis niadtong gabhiona.
Apan imbes nga gibadlong ang tulo ang biktima mao'y gi-atake sa tulo gamit ang sanggot ug deretsong gitigbas ug giayo og luba hinungdan nakaangkon ug nagkadaiyang samad sa lawas.
Gidali og dala ang biktima sa Provincial Hospital sa Talakag, Bukidnon apan gideklarar kin
ing dead on arrival sa misusi nga doktor.
Ang patayng lawas sa biktima ang gidala sa Holy Soul Funeral Homes, Talakag, Bukidnon.
Samtang ang mga suspetsado daling misibat human sa insidente ug padayon pa nga gigukod sa kapolisan ning panahona.
Gipatik sa mantalaang SuperBalita Cagayan de Oro Hunyo 17, 2015.
Linkback:
https://tubagbohol.mikeligalig.com/index.php?topic=80218.0
Topic: Gibadlong ang tulo nga nanaglalis, ang namadlong gitabangan sa tulo og ihaw (Read 675 times)