Matod ni Gadingan, nga si Lasala, nakabati sa grabing paghot sa ilang mga iro mga alas 2:30 sa kaadlawon, samtang mga alas 3:30 nakabantay sab siya nga dunay motorsiklo nga paspas nga mibiya paingon sa national highway.
Wa sila magdahom nga makakita siyag tawong gisulod sa sako niadtong buntag nga gilabay diha tuÂngod sa ilang panimalay duol sa kural nga barbed wire.
Si Lasala nigawas mga alas 3:55 sa kaadlawon kay mamasahero sa taxi pero nakugang dihang dunay sako gawas sa ilang panimalay nga nasandig sa kural nga barbed wire hinungdan nga iyang gisusi.
Gipatiran niya ang sako aron pagsuta kun unsay sulod niini, dihang gilili niya nakugang siya kay ulo sa usa ka tawo ang migimaw hinungdan nga pwerÂting kuyawa niini mi-report siya sa kapulisan.
Si Gadingan, miingon nga ang biktima gi-salvage unya gilabay sa mga mamumuno sa maong lugar kay mingaw kini panahon sa kagabhion.
Gipadayag niini nga drugas ang motibo nga ilang gisubay sa maong krimen sanglit ang kabanay ingon man igsuon niini nga si Hermie, mitug-an kanila nga namaligyag drugas ang biktima.
Si Hermie niingon nga makadaghan na niyang gibadlong ang iyang igsuon nga moundang sa ilegal nga kalihukan pero wa mopatuo kaniya hangtod nahitabong napatay kini.
Linkback:
https://tubagbohol.mikeligalig.com/index.php?topic=79997.0