Ni SHEILA C. GRAVINEZ
LAING reklamo ang giatubang sa usa sa mga district hospital nga gidumala sa kagamhanan sa lalawigan sa Sugbo human usa ka 39-anyos nga maestra ang namatay human naindeksyonan og insulin nga giingong expired na.
Kini na ang ikaupat nga pasangil nga na-report ning buwana batok sa pipila ka medical staff sa mga district hospitals sa lalawigan gumikan sa giingong pagpasagad.
Si Hazel Relavo, nagpuyo sa Barangay VII, lungsod sa Tuburan, minyo ug adunay usa ka anak, ang gidala sa iyang bana sa Tuburan District Hospital alas 7 sa buntag niadtong Nobiyembre 17 ug pagka alas 2 sa hapon, siya na-admit.
Sa report sa dyLA kagahapon, alas 7 sa gabii sa maong adlaw giresitahan og Mitformin ang pasyente sa attending doctor (pangan gipugngan ning mantalaan samtang wala pa makuhai sa iyang habig).
Apan ang botika diin mahimo mapalit ang insulin atua sa Balamban nga manirado og alas 9 sa gabii.
Sa dihang paingon na molakaw ang iyang bana, ang doktor nisulti nga susihon sa duol nga botika kon adunay bay baligya nga insulin.
Tuod, pag-adto sa bana sa duol nga pharmacy adunay baligya nga insulin apan gibutang kini sa usa ka karton nga dapat ibutang sa refrigerator.
Apan gipalit gihapon kini sa bana ug gidala sa TDH.
Linkback:
https://tubagbohol.mikeligalig.com/index.php?topic=81496.0
Topic: Gi-inject nga insulin expired na diay; maestra nga maoy gidapatan, patay (Read 627 times)