Ni Jon Ryan Pantaleon (Banat) | Updated May 21, 2015 - 12:00am
CEBU, Philippines - Usa ka German national ang gidakop human nagdala og usa ka menor de edad sa pagbiyahe unta niini ngadto sa isla sa Bantayan gikan sa pantalan sa Hagnaya sa lungsod sa San Remigio.
Matud pa ni Senior Superintendet Noel Gillamac, provincial director sa Cebu Police Provincial Office pasakaan og kasong human trafficking si Herbert Major, 63.
Sumala pa ni Kapitan Jose Cabahug, sa Brgy. Hagnaya aduna silay VAWC (Violation Againts Women and Children) nga gilangkuban sa mga social workers nga tigpaniid sa pantalan.
Ang maong mga social workers maoy gikatahong nakakita sa maong langyaw nga nagkuyog sa usa ka 14-anyos nga dalagita padung mosakay sa ferry boat. Ang maong langyaw nga nagpuyo na sa Australia daling gibabagan ug giaresto. Apan siya nangrason nga wala siya masayod bawal diay magkuyog og menor de edad diri sa Pilipinas. (BANAT NEWS)
Linkback:
https://tubagbohol.mikeligalig.com/index.php?topic=79985.0
Topic: German senior citizen nagdala og 14 anyos nga dalagita gidakop sa pantalan (Read 618 times)