GITOOHANG gumikan sa depresiyon hinungdan nga naghikog-patay ang usa ka Overseas Filipino Worker (OFW) diha sa Punta, Bonbon ning dakbayan sa Cagayan de Oro.
Naghikot sa liog ang wala ginganlan nga biktima kinsa nag-edad og 30 ug adunay duha ka mga anak.
Sa nahipos nga impormasiyon giingon sa saysay sa igsoon sa biktima nga posibleng gumikan sa depresiyon hinungdan nga nakahunahuna sa paghikot sa kaugalingon ang biktima ginamit ang pisi. Gidugang pa nga kini na ang ikaduhang higayon nga misulay kini sa pagpakamatay diin ang unang higayon mao nga niambak kini sa tulay.
Nasayran nga nakauli niadtong tuig 2013 ang biktima kinsa usa ka OFW gikan sa Syria tungod sa dakong gubot nga niulbo sa maong dapit diin nag giyera. Nagtoo ang pamilya sa biktima nga tungod sa mga naagian niini hinungdan nga wala na makaagwanta ug nagpakamatay kini.
Sa pagsulat niini nga balita ang maong patay nga lawas ang anaa na sa Bollozos Funeral Homes sa Bulua ning dakbayan. (KCS)
Gipatik sa mantalaang Superbalita Cagayan de Oro Abril 13, 2016.
Linkback:
https://tubagbohol.mikeligalig.com/index.php?topic=82189.0