Ni JEEPY P. COMPIO
MITAHAN sa kapulisan ang suspek sa brutal nga pagpatay sa usa ka foreman alas 12:20 sa udto niadtong Sabado didto sa Royal Pines Subdivision, Barangay Matina Crossing, Talomo District, dakbayan sa Davao.
Ang suspek mao si Julius Orag Basco, 36, mason, residente sa NHA, Barangay Maa, samtang ang biktima mao si Julieto V. Morte, foreman, nagpuyo sa Barangay Sibulan, Sta. Cruz, Davao del Sur.
Nahitabo ang pagpatay didto mismo sa sud sa gipanday nga balay ni retired General Jorge Segovia, kanhi commander sa Eastern Mindanao Command (Eastmincom).
Subay sa impormasyon nga gibutyag ni Davao City Police Office (DCPO) spokesperson Milgrace Cajes Driz nasayran nga nasuko ang suspek human siya potbulon sa biktima.
"Nag-hire og laing trabahante si Morte mao mialma si Basco, ug nasuko kaayo siya [suspek] kay mawad-an siya og trabaho," sulti ni Chief Inspector Driz.
Linkback:
https://tubagbohol.mikeligalig.com/index.php?topic=82190.0
Topic: Foreman nga miputbol sa iyang mason giluba og tigib sa makadaghang higayon (Read 3239 times)