Shabu gitagoan sa panty
Ni Romeo T. Limpangog, EIM (Banat) | Updated May 24, 2015 - 12:00am
CEBU, Philippines - Nadakpan ang usa ka 45-anyos nga babayeng giingong misulay unta sa pagpalusot og shabu sa sulod sa Mandaue City Jail sa pagbisita niini niadtong miaging buntag pinaagi sa pagpasok sa shabu sa ilawom sa iyang panty.
Ang nadakpan mao si Milagros Armado nga taga Brgy. Looc, Dakbayan sa Mandaue kinsa moduaw unta sa iyang napriso nga kapuyo nga si Alvin Ceniza. Si MCJ Jail Warden Gil Inopia nagkanayon, nagdala og pagkaon si Armado alang ni Ceniza apan samtang giinspeksyon ang iyang gidalang pagkaon, nabantayan nila kining daw di mahimutang.
Tungod niini, ilang gidala si Amado sa searching room ug pagrekisa kaniya nakit-an ang duha ka paketeng shabu ug tinfoil ilawom sa panty niini hinungdan nga ilang gidakop.
Ang kapuyo ni Amado nga si Ceniza napriso sa kasong robbery niadtong 2011 apan nakagawas ug nabalik na usab niadtong Agosto 5, 2014 tungod sa pagpamaligya og shabu ug paghupot og armas.
Si Armado pasakaan og kaso karong adlaw nga Lunes tungod sa pagdala sa maong drugas sa MCJ. (BANAT NEWS)
Linkback:
https://tubagbohol.mikeligalig.com/index.php?topic=80019.0
Topic: Daw di mahimutang ang bisita nga babaye kay may giluklok nga shabu diay sa panty (Read 567 times)