Ni KRIS C. SIALANA
GAWAS sa panget, giingnan pa og bulok sa maestro ang iyang estudyante atubangan sa mga klasmeyt sulod sa classroom niadtong milabay nga adlaw sa usa ka unibersidad nga nahimutang sa Velez Streets, dakbayan sa Cagayan de Oro.
Nagpatala sa kapolisan si Marynolle (bansagon gitago), 23, dalaga ug residente sa Iponan ning dakbayan, samtang ang instructor naila nga si Melanio (gitago ang apilyedo), minyo, nga taga Gusa ning dakbayan.
Sa nahipos nga report gikan sa kapolisan sa Police Station 1 (PS1) sa Divisoria, gibutyag sa biktima nga naulaw kaayo siya sa gipang-estorya sa maestro sulod mismo sa classroom atubangan sa mga klasmeyt niini.
Giingong kalit lamang kini nga giingnan sa maestro og: “That is bolsyet, hija, ang panget mo hambog ka, ayaw ko sayo.â€
Gidugang pa nga nangutana pa kini kung asa kini nagtungha sa high school ug sa dihang gitubag niini nga sa Lapasan National High School, miingon pa kini nga “ah squatter, bulok kasing bulok mo,†hinungdan nga nasakitan kini sa mga gipangbuhian niini nga estorya.
Sa pagsulat niini nga balita, ang insidente ang nakatala na sa buhatan sa kapolisan ug giduso na sa tunghaan ilabi na sa presidente sa unibersidad.
Gipatik sa mantalaang Superbalita Cagayan de Oro Hunyo 28, 2016.
Linkback:
https://tubagbohol.mikeligalig.com/index.php?topic=82457.0