Ni GUAM P. LOGROÑO
KRITIKAL ang kahimtang sa usa ka 83 nga lola human gitripingan sa iyang apo giluba ginamit ang buwang sa manok niadtong Miyerkules sa alas 10:00 sa gabii sa Barangay Angilan, lungsod sa Aloguinsan.
Si Julieta Dealagdon, 83, biyuda kritikal human natusaktusak sa nagkadaiyang bahin sa lawas human giluba sa iyang apo nga si Alejo Ignario, 30, ulitawo, walay trabaho ug naulipon sa drugas.
Si Insp. Gilfred Baroman, hepe sa Aloguinsan Police, niingon nga nabulabog ang kagabhion sa maong dapit.
Human nabantayan sa mga kabanay ug silingan nga ang biktima nga nagkadugo, gitabang kini ug gidala sa tambalan.
Ang mga pulis uban sa kabanay ug silingan nagtinabangay sa pagpangita sa suspek apan wala dayon makita ug sa alas 2:00 sa kaadlawon, nigawas gikan sa kalibunan busa nadakpan.
Gipatik sa mantalaang SuperBalita Cebu Nobiembre 27, 2015.
Linkback:
https://tubagbohol.mikeligalig.com/index.php?topic=81497.0
Topic: Buwang sa manok gigamit sa apo pagtusaktusak sa lawas sa 83 anyos niyang lola (Read 2154 times)