MikeLigalig.com

Ni STEPHANIE V. BERGANIO


USA ka giingong bayut ang nagpatabang sa kapolisan human gireklamo ang usa ka lalaki nga milugos kaniya Lunes sa kaadlawon sa Barangay 27, dakbayan sa Cagayan de Oro.

Ang biktima itago na lamang nga Rico, hingkod ang edad, residente sa dapit, samtang ang suspek giilang si Ruel (bansagon gitago).

Sa inisyal nga report gikan sa insider sa Police Station 2 (PS2) sa Cogon, nasuta nga ang biktima nga si Rico ang gikan niadtong tungora sa usa ka balay kalingawan ug didto nakita si Ruel.

Dihang pauli na unta kagahapon sa kaadlawon, kalit lang kining gisignit ni Ruel ug gidala sa usa ka bakanteng luna.

Giingong gihimo kini sa suspetsado tungod kay daw pilit kaayo ang tinan-awan ni Rico kaniya samtang anaa sulod sa balay kalingawan.

Apan dihang nagkita sila, giingong gibira ni Ruel si Rico ug gidala sa kasagbutan nga bahin ug didto giingong gipatuwad ug gipahimuslan.

Wala gikalipay ni Rico ang nahitabo kaniya ug nagpatabang kini sa PS2 nga miresulta sa pagkasikop sa suspetsado.

Ang suspek giingong gidala na sa Maharlika Detention Cell ning panahona kinsa gireklamo og act of lasciviousness.


Gipatik sa mantalaang Superbalita Cagayan de Oro Pebrero 09, 2016.

Linkback: https://tubagbohol.mikeligalig.com/index.php?topic=81838.0