MikeLigalig.com

Ni JEEPY P. COMPIO


WALAY nahimo ang usa ka binabaye human giingong gilugos ug gitulis siya sa usa ka call boy sud sa iyang giabangan nga lawak alas 5:00 sa buntag niadtong Sabado.

Ang insidente nahitabo didto sa Purok Ballener, Bagumbuhay, Barangay Paciano Bangoy, Agdao District, dakbayan sa Davao.

Nagpatala sa Sta. Ana Police Station ang biktimang si Keana (bansagon gitago), 21, call center agent, taga Kidapawan City.

Si Keana duha na ka tuig nga nag-abang sa maong lugar.

Sa pakighinabi sa Sun.Star Davao Superbalita sa biktima, iyang giangkon nga gilugos siya sanglit gipugos siya nga makighilawas sa call boy nga iyang nakaila sa dalang Claro M. Recto ning dakbayan alas 2:00 sa kaadlawon niadtong Sabado.

"Nagkaila mi sa Claveria. Giingnan nako nga wala koy kuwarta, miuban gayud siya ug gipugos ko, gipanamastamasan ko niya," saysay sa biktima.

Giingon sa biktima nga samtang naa pa sila sa sulod sa iyang kuwarto, wala na siya nakalihok ug wa na siya nakapangayo og panabang kay gitionan siya kutsilyo sa lalaki.

"Nakuha gayud niya ang akong pagkababaye ug ang P1,500 nako ug mga gadgets ug cellphone," ingon sa biktima.

Mismong ang amahan sa biktima nga gikan pa sa Kidapawan City ang nagpa-blotter sa maong hitabo sa presinto uno.

Ang maong kaso anaa na sa theft and robbery section sa Sta. Ana Police Station.


Gipatik sa mantalaang Superbalita Davao Pebrero 09, 2016.

Linkback: https://tubagbohol.mikeligalig.com/index.php?topic=81837.0