GIABANDUNAR sulod sa usa ka nakaparada nga PUJ ang usa ka masoso nga bag-o pa gyung gipakatawo.
Nadiskubrehan ang batang lalake nga may pusod pa ug inunlan, giputos og sako sa bugas ug gitabunan og payong pasado alas 3 kagahapon sa kaadlawon sa dalan Cabreros, Barangay Basak San Nicholas.
Si Landy Cabillo, 29, taga Sityo Crossing, Barangay Basak San Nicholas, usa ka stylist sa Salon de Rose, niingon nga paingon na unta siya sa usa ka food chain sa maong dapit sa dihang iyang nalabyan ang usa ka multicab nga nakaparada daplin sa dalan.
Iyang nakita nga may payong nga nakabukas sulod sa multicab hinungdan nga iya kining giwaling ug maoy iyang nakita ang bata.
“Nagtuo ko nga itoy, akong gituslok. Mihilak man. Sus, bata man diay,†matod pa ni Landy. - Sun Star Cebu
Linkback:
https://tubagbohol.mikeligalig.com/index.php?topic=35537.0