Monday, October 22, 2012
NAGTINGKAGOL sa Maharlika Detention Cell (MDC) ang usa ka lalaki human gipapriso sa asawa dihang nasakpan nga nakig-sex sa silingan niini sa Brgy. 23, ning siyudad sa Cagayan de Oro.
Niadtong Domingo nahitabo ang insidente nga mismong nasapon sa asawa nga tagoan na lamang sa ngalan nga Jeny, hingkod ang edad, ang iyang bana nga mao si Roy, (bansagon gipugnan) 40, residente sa susamang dapit nga wala nay sapot ug giingong nakig-sex sa silingan.
Si Roy nisaysay nga unang higayon kini nahitabo tungod kay dili niya uyab ang babaye nga silingan ug giimbitar lamang siya nga mangaligo niadtong tungora. Pagpanguli sagol ang nainom sa biktima hinungdan sa iyang kahubog.
Daw wala niya nahibaloan ang sunod nga mga panghitabo nga miabot sa punto nga nakighilawas na sa iyang silingan.
Laing silingan usab ang mipahibalo sa iyang asawa hinugdan nga nagdali dali si Jeny nga gisusi kini sa balay sa laing babaye ug didto nasapon iyang bana nga wala nay sapot ug giingong anaa taliwala sa pagtagay og kalipay.
Gipapriso sa asawa si Roy sa Police Station 5 (PS5) sa Macabalan nga daling gibalhin sa MDC.
Apan kagahapon adlawng Lunes daw dili na buot pa nga ipadayon ni Jeny ang pagpasaka og kaso ngadto sa iyang bana tungod kay nangayo man kini og pasaylo ug iyang nakita nga tinud-anay kini nga gibasolan ang nahimo. (SVB)
Linkback:
https://tubagbohol.mikeligalig.com/index.php?topic=56034.0