Ni Stephanie Viovicente-Berganio
SunStar
Laing amahan ang naghikog-patay human gibiyaan sa iyang asawa ug mga anak niadtong Lunes mga alas 6:00 sa hapon sa Zone-3, Barangay Agusan ning siyudad sa Cagayan de Oro.
Giila ang biktima nga mao si Curtino Baluro, usa ka manananggot.
Nadiskubreng naghikot og habol sa iyang liog sa taas nga bahin sa panimalay ang biktima.
Ang inahan niini ang nakadiskobre sa hitabo dihang nihimo kini pagpangita kaniya.
Nakitang patay na si Baluro nga gituohang bag-o lamang kayo niini gihimo ang paghikog tungod kay wala pa kini nilagom.
Gisaysay sa inahan sa biktima nga bag-ohay lang kini gibiyaan sa iyang asawa uban ang duha ka mga anak niini.
Giingong dili madawat sa biktima nga malayo kaniya ang iyang mga anak nga maoy gituohang hinungdan sa paghikog.
Nasayran usab nga sugarol ang giingong asawa niini ug kanunay lang maglalis ang magtiayon tungod kay ang kwarta isugal man sa asawa.
Linkback:
https://tubagbohol.mikeligalig.com/index.php?topic=29279.0