(Banat) | Updated November 16, 2016 - 12:00am
Osmeña
CEBU, Philippines - Mokabat dul-an P30 mil nga kantidad sa shabu ang nasakmit sa mga sakop sa San Nicolas Police Station gikan sa usa ka 48-anyos nga lalaki nga nangangkong “anak sa gawas†ni Mayor Tomas Osmeña atol sa buy-bust operation diha sa Magsaysay Street, Brgy. Suba ning Dakbayan sa Sugbo. Ang dinakpan giila nga si Rolando Yburan Osmeña, nga nagpuyo sa maong dapit. Ang hepe sa San Nicolas Police nga si Chief Insp. Keith Andaya miingon nga ilang gidakop si Osmeña human kini nibaligya og shabu sa asset sa kapulisan.
Gitug-an ni Andaya nga wala naapil sa ilang gihimo nga Oplan Tokhang si Osmeña kay bag-o lang sab kini misulod sa maong ilegal nga negosyo.
Nakuha sa mga polis gikan sa suspetsado ang usa ka medium size ug 20 ka gagmay nga pakete sa gituohang shabu nga mikantidad og P29, 500 ug usa ka video karera ug duha ka moli-moli gambling machines.
Ang suspetsado nga nahinabi sa mga tigbalita miingon nga “anak kini sa gawas†sa mayor ug misulay na kini nga makigkita sa mayor apan wala kini nahatagan og panahon.
“Minsan lumapit ako kang Osmeña hindi ko siya nakita, umuwi akong luhaan,†matud pa sa dinakpan. Iyaha daw nga nahibaw-an nga anak kini sa mayor gumikan sa ilang kanhi komunikasyon.
Linkback:
https://tubagbohol.mikeligalig.com/index.php?topic=83212.0