Author Topic: Amahan ug Anak Nilugos sa Kaugalingong Anak Babaye 10 Anyos  (Read 734 times)

MikeLigalig.com

  • FOUNDER
  • Webmaster
  • *****
  • Posts: 33284
  • Please use the share icons below
    • View Profile
    • Book Your Tickets on a Budget
Amahan ug Anak Nilugos sa Kaugalingong Anak Babaye 10 Anyos
« on: October 12, 2010, 01:26:42 PM »
NASAPON sa inahan ang gihimong pagpanglugos sa usa ka amahan ngadto sa iyang 10 anyos nga anak niadtong Huwebes mga alas 7:30 sa gabii sa Tipolohon, Camaman-an, ning siyudad sa Cagayan de Oro.

Ang biktima nga si Loren (tinuod nga pangalan gitago) ang giingong gipuli- pulihan sa amahan ug sa igsuon niining nag-edad og 20 anyos.

Si Senior Police Officer 3 Apolinario Ubillas sa Police Station 2 (PS2) sa Cogon nga nahinabi sa Sun.Star Superbalita niingon nga mismong ang inahan sa biktima ang nagpatabang sa ilang presintuhan aron ipasikop ang iyang bana.

Gibutyag sa inahan nga kanunay niya nga namatikdan ang dili maayong pagtagad niini sa iyang anak nga 10 anyos.

Nakurat pag-ayo ang inahan dihang nasapon mismo sulod sa ilang puloy-anan ang iyang kapuyo nga si Generio (bansagon gitago), 48, nga mipatong sa iyang anak.

Tungod sa kalagot giaway niini ang iyang kapuyo ug hilom siya nga nagpatabang sa kapolisan sa PS2. Miresponde usab ang kapolisan sa PS2 ug nasikop ang amahan nga nagtingkagol na karon sa prisuhan. Nasayran nga dili kini ang unang higayon nga gihimo ni Generio sa anak.

Gibutyag sa inahan nga niadtong nag-edad pa lang og 9 anyos ang iyang anak nakamatikod na siya og dili maayo sa iyang kapuyo.

"Duna nakoy namatikdan nga lain pero wala lang nako gitagad kay amahan baya," butyag sa inahan.

Dugang saysay sa inahan, kinsa usa ka katabang, nga panahon nga molakaw siya aron motrabaho, diha himuon sa suspetsado ang pagpangabuso sa iyang anak.

Nasayran nga usa ka construction worker ang suspetsado ug walay permanenti nga trabaho.

Matud ni Ubillas nga wala nila nasikop ang igsuon sa biktima nga usa usab sa giakusahan nga miapil paglugos niini. - Sun Star News

Linkback: https://tubagbohol.mikeligalig.com/index.php?topic=33033.0
John 3:16-18 ESV
For God so loved the world, that he gave his only Son (Jesus Christ), that whoever believes in him should not perish but have eternal life. For God did not send his Son into the world to condemn the world, but in order that the world might be saved through him. Whoever believes in him is not condemned, but whoever does not believe is condemned already, because he has not believed in the name of the only Son of God.

👉 GET easy and FAST online loan at www.tala.com Philippines

Book tickets anywhere for planes, trains, boats, bus at www.12go.co

unionbank online loan application low interest, credit card, easy and fast approval

Tags: