MikeLigalig.com

Ni Gabriel C. Bonjoc (Banat) | Updated September 23, 2015 - 12:00am


CEBU, Philippines – Tungod lang sa rason nga siya gipanabi nga adunay utang, giunay sa anak pagtuok ang iya’ng amahan samtang natulog sa ila’ng panimay sa Barangay Pooc, Dakbayan sa Talisay kagahapon sa kadlawon. Nagpunga-punga si Estanislao Largo, 61, nga gitabang sa mga barangay tanod human siya gisuwayan pagpatay sa iya’ng anak nga si Arvie, 34, pinaagi sa pagtuok.

Si PO1 Othelo Largo sa Talisay City Police Station nibutyag sa Banat News nga natulog ang biktima sa diha’ng giatake sa anak.

Nagkisikisi ang amahan samtang naningkamot nga makaginhawa.

Dali’ng nangayo og pakitabang ang asawa sa biktima hangtud nga naabot ang mga barangay tanod ug gidakop ang suspek dayun gitugyan ngadto sa kapolisan.

Giingong si Arvie manggamitay og ilegal nga drugas nga mao’y nitukmod sa pagbuhat sa krimen.

Dugang ni PO1 Largo nga kursonada nga mopasaka og kaso ang amahan sa suspek aron sab kini mapaubos sa rehabilitasyon. – /GMR) (BANAT NEWS)

Linkback: https://tubagbohol.mikeligalig.com/index.php?topic=81032.0