USA ka 64-anyos nga lalaki ang gidunggab ug gikulata sa giingon nga iyang kabit alas 5:45 sa hapon niadtong Dominggo.
Ang insidente nahitabo didto sa Juliville Subdivision, Barangay Tigatto, Buhangin District, dakbayan sa Davao.
Ang biktima mao si Jose (bansagon gitago sa Superbalita), 64, minyo, ug nagpuyo sa Phase 2, Juliville Subdivision, Barangay Tigatto samtang ang suspek mao ang giingong iyang kabit nga si Juvy (bansagon gitago), nagpuyo sa Jade Valley, Barangay Tigatto.
Base sa inisyal nga imbestigasyon ni Senior Police Officer 2 (SPO2) Abelardo Manubag, imbestigador sa Buhangin Police Station, nasayran nga naglalis ang biktima ug ang suspek sa wa matino nga rason.
Wa kabalo ang biktima nga naa sab diay sa kilid sa suspek ang iyang laing kabit nga lalaki nga si Abyot (bansagon gitago).
Kalit sab mibunlot og kutsilyo ang babaye ug iyang gidunggab ang biktima dayon daling misibat dala ang P10 mil nga kuwarta gikan sa bag sa biktima.
Ang kapulisan nagtuo nga love triangle ang nag-unang motibo sa krimen samtang padayon ang ilang gihimong imbestigasyon aron masikop ang mga suspek. (JPC)
Gipatik sa mantalaang Superbalita Davao Mayo 24, 2016.
Linkback:
https://tubagbohol.mikeligalig.com/index.php?topic=82306.0