Thursday, July 12, 2012
BUN-OG ug samad sa lain-laing parte sa lawas ang naangkon sa tulo ka mga batan-on nga gitabangan og sukmag niadtong Martes mga alas 11:30 sa gabii sa dalan Tiano St. Cruz Taal ning siyudad sa Cagayan de Oro.
Giila ang mga biktima nga mao sila si Jericho, 16; William, 15; ug Chrsitian, 17; mga apelyido gitagoan, pulos residente sa Gusa ning siyudad sa Cagayan de Oro.
Ang inahan ni William nisaysay nga giimbitar ang tulo sa ig-agaw nga mag-inom sulod sa usa ka bar sa dapit apan paggawas sa mga biktima aron manguli kalit lang nga giatangan sa mokabat pito ka mga lalaki ug giayo og sukmag ang mga biktima.
Tungod kay apektado og ilimnong makahubog niadtong tungora ang tulo maglisod sa pagsukol.
Ang usa sab sa inahan nagbasol nganong gipauban ang iyang anak labina daw ang ig-agaw nga nangimbitar niini wala nagpakabana sa pagtabang sa tulo atol sa insident ug mibiya. Sa kasamtangan, dili usab kini makontak.
Daw maayo na lamang gitabangan sa usa ka tigulang nga gisakay sa multicab ang tulo nga nagbuy-od sa dalan ug gidala sa Northern Mindanao Medical Center (NMMC).
Si Jericho nagisi ang nawong nga bahin ug lawom nga samad ulo ang naangkon, si William samaran ang likod ug bun-og ang lawas, samtang si Christian na-black-eye sa insidente.
Ang kaso gisunod na sa Police Station 1 sa Divisoria ning panahona. (SVB)
Gipatik sa mantalaang SuperBalita Cagayan de Oro Hulyo 12, 2012.
Linkback:
https://tubagbohol.mikeligalig.com/index.php?topic=52605.0