Author Topic: 13 ka bag-ong pari sa artsdayosesis  (Read 607 times)

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
13 ka bag-ong pari sa artsdayosesis
« on: August 08, 2016, 04:18:52 PM »
Ni Rowena D. Capistrano (Banat) | Updated August 8, 2016 - 12:00am


CEBU, Philippines - Subay sa ika-150 ka tuig nga anibersaryo sukad nahimong parokya ang simbahan ni Santo Tomas De Villanueva sa Barangay Pardo dakbayan sa Sugbo, usa ka deakono ang gi-ordinahan isip bag-ong pari niadtong Sabado. Samtang laing 12 ka mga deakono ang ordinahan usab pagkapari ugmang adlawa sa Cebu Metropolitan Cathedral.

Nakadawat sa iyang ordination niadtong Sabado si Fr. Arnel Autida nga gihimo sa Santo Tomas De Villanueva Parish, nahisubay kini sa usa ka tuig nga kalihukan sa simbahan, samtang nagsaulog sa ilang ika-150 ka tuig diin anaa gyud ang 7 ka sakramento nga naglakip sa sakramento sa pagkapari.

Matud ni Archbishop Jose Palma nga maoy nangulo sa Santos nga Misa ug inubanan sa gatosan ka mga pari ug layko nga usa ka dakong grasya ang pagkatukod sa simbahan nga giisip na nga cultural heritage. Bulahan usab ang maong parokya kay nahimo nga kura paruko si Bishop Teofilo Camomot.

Sumala pa ni Palma, ang ordination usa ka grasya kay bisan sa daghang hagit ug pagsuway, usa kini ka maayong gasa nga gihatag sa Ginoo.

Gani si Padre Autida mapasalamaton sa tanang tawo nga niuban kaniya sa iyang panaw hangtod nga nahimo siyang pari, diin bisan og sayo siya nga gibawian sa iyang mga ginikanan, aduna gihapoy mga tawo nga nisapnay kaniya hangtod sa iyang kalampusan.

Mapasalamaton ang arsobispo kay sa ubang diocese gamay lang ang mga pari, apan dinhi sa Archdiocese of Cebu gawas kang Autida, aduna na usab umaabot nga mga pari hinungdan nga kinahanglan silang iampo aron maabot kanila ang grasya gikan sa Ginoo.

Ugma sa alas nuybe sa buntag, 12 ka mga deakono ang ordinahan usab ni Palma. Sila mao si Rev. Teodo Baruc, Rev. Dave Christopher Cantillas, Rev. Renato Destacamento, Rev. Severino Escobido III, Rev. Erik Orio, Rev. Arnel Ponce, Rev. Giuseppe Pongase, Rev. Florido Rosales, Rev. Junrey Siman, Rev. Andrei Ventanilla, Rev. Kent Dahrel Galo ug Rev. Jonathan Rubin. (BANAT NEWS)

Linkback: https://tubagbohol.mikeligalig.com/index.php?topic=82640.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Re: 13 ka bag-ong pari sa artsdayosesis
« Reply #1 on: August 08, 2016, 04:19:52 PM »
Hmm, hinaot unta nga wala ani nilay mahitumpawak sa bung-aw sa kaulag... :P

Linkback: https://tubagbohol.mikeligalig.com/index.php?topic=82640.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

Tags: