KD story bahin sa anting-anting o dagon , ANG DAGON
May usa ka tawo nga naghikog. Sa dihang nakita nga nagbitay, walay paryente nga mokuha tungod sa kahadlok ug kangil-ad sa dagway nga nagbitay taas kaayo ang dila. Ang gibantog nga kusgan ug maisog sa among lugar, nga si Ejan ang nagkuha. Iyang gikuhaan ug buhok
ug nagputol siya sa pisi nga iyang gigamit sa paghikog ug iya kining gitago . Nakahuna-huna siya nga iyang suwayan nga gamiton niyang dagonl sa panabong kay sugarol man siya. Matag tari niya sa iyang namok ,iyang iapil paglikit sa buwang ang gamay nga buhok sa naghikog.
Walay gisultihan niya bisan kinsa. Misalir gyud kay perme maliug ang kalaban nilang manok.
Usahay pulihan ang ilang manok ug dili pa gani masamdan ang iyaha. Perme siyang makabuno bisan asang sabongan solod sa usa ka tuig. Wala siyay natigum sa iyang daog kay igo sa sa barato ug inom. Usa ka gabii, iyang nabantayan nga gituok siya samtang natulog. Iya pang gipasanginlan ang iyang asawa kadulog niya nga maoy nag-tuok niya. Suko kaayo ang asawa. Pagkasunod gabii, mao gihapon ang iyang nabantayan nga tuokon siya samtang natulog. Sa ikatulong gabii, dili na gayod siya makaagwanta kay patyon na siya sa tuok. Iya nang nakita ang dagway sa naghikog nga maoy mituok niya. Mibangon siya ug iyang gilabay ang buhok ug ang pisi nga iyang gihuha. Hangtod niadto, wala na siya samoka ug malinawon na ang iyang pagkatulog. Dili maayo nga magkupot ta ug tanggil o dagon nga iya sa p*** or devil.
Linkback:
https://tubagbohol.mikeligalig.com/index.php?topic=16686.0