Nahimong kriminal tungod sa chikinini

[hubag bohol]

Ni Stephanie Viovicente-Berganio
Tuesday, March 3, 2015


GIBASULAN sa suspetsado ang nahimong pagluba patay sa giingong karelasyon sa iyang kapuyo sa Barangay Igpit, lungsod sa Opol Misamis Oriental.

Patay ang biktima nga mao si Marvin Dinlayan, 20, ulitawo, lumad nga taga Talakag, Bukidnon, ulitawo, usa ka caretaker sa farm ug nag-abang lamang sa susamang dapit.

Gitumbok nga suspetsado mao si Charlito Abalo, 35, residente sa Barangay Agusan ning siyudad sa Cagayan de Oro kinsa nadakpan sa kapolisan sa Opol Police Station pila ka oras human sa pagpangluba patay.

Matud ni Abalo nga kun dili pa tungod sa nakitang "chikinini" nga anaa palibot sa liog sa iyang kapuyo nga mao si Maricel, daw dili niya mapatay si Dinlayan.

“Naglain ang akong panan-aw nga daghan kaayo chikinini sa liog sa akong asawa unya nagtuo gyod ko nga naa silay gihimo duha,” pamahayag ni Abalo ug midugang nga sa 20 ka tuig nila nga pag-ipon ni Maricel daw wala siya maka “chikinini” niini.

Butyag niini nga sa pagkakaron, andam niya nga serbisyuhan ang iyang nahimo ug mibutyag nga atol sa iyang pagluba ni Dinlayan wala siya nagbasol tungod sa kaulit.

“Karon bitaw nga nakita nako akong duha ka mga anak nga louy kaayo, nagbasol ko nganong nahimo nako,” butyag niini nga puno sa pagbasol ang tingog.

Linkback: https://tubagbohol.mikeligalig.com/index.php?topic=79598.0

[hubag bohol]

Nangayo usab kini og pasaylo sa pamilya ni Dinlayan. Daw nahimo lamang niya ang ingon tungod sa iyang dako nga gugma ngadto kang Maricel nga iyang gihimo ang tanan alang niini.

Sa iyang bahin ni Maricel, magsilbi siyang testigo sa nahitabo pagpangluba ug daw iyang ipasalig nga atimanon ang ilang anak ni Abalo.

Kahinumduman sa imbestigasyon sa Opol Police Station, nasuta nga gipangita ni Charlito ang iyang kapuyo nga si Maricel, kinsa giingong mibiya sa ilang puloy-anan niadto pang Sabado kay daw miuban ngadto kang Dinlayan.

Daw tungod sa kaulit ni Charlito nga wala miuli sa ilang puloy-anan si Maricel, iya kining giadtoan ug sa bunk house ni Dinlayan aron apason human adunay nakatip nga anaa kini mikuyog ni Dinlayan.

Dihang iya kining gituktok ang kwarto, nasapon niini sa akto si Maricel nga giingong naka underwear lamang ug naka T-shirt samtang nakashort pants lamang si Dinlayan ug walay sinina sa pang-ibabaw.

Daw naulit usab si Charlito tungod sa grabeng kapula sa liog niini nga gitouhan ni Charlito nga gibutyag niini nga "chikinini" ug nagtuo siya aduna gyod gihimo ang duha ug daw gubot kayo ang kwarto.

Tungod niini, iyang gidoul si Dinlayan ug giayo ug luba hangtod nga misuka kini og dugo ug nakabsan sa kinabuhi. -- http://www.sunstar.com.ph/

Linkback: https://tubagbohol.mikeligalig.com/index.php?topic=79598.0

[hubag bohol]

Matud ni Abalo nga kun dili pa tungod sa nakitang "chikinini" nga anaa palibot sa liog sa iyang kapuyo nga mao si Maricel, daw dili niya mapatay si Dinlayan.

Gikwentasan diay og chikinini...

Linkback: https://tubagbohol.mikeligalig.com/index.php?topic=79598.0