Ni Guam P. Logroño
Thursday, January 29, 2015
NIBANAW ang dugo sulod sa tigbakayan human naÂngamatay ang mga sugarol sa pinusilay kay nagkaaway sa pusta sa manok nga gitari niadtong Huwebes sa alas 4:30 sa hapon sa Barangay Sibakan, dakbayan sa Danao.
Si Ederlito Batucan, 30, minyo, mag-uuma, namaÂtay sa Vicente Sotto Memorial Medical Center (VSMMC) human nakaangkog samad pinusilan sa tiyan samtang kritikal ang iyang amahan nga si Abundio, 57, kinsa naigo sa ulo.
Patay usab ang suspek nga si Joselito Bacang, 39, minyo, taga Barangay Looc, dakbayan sa Danao, human natusaktusak sa mga bala dihang gibawsan sa pagpusil ni Cornelito Batucan, igsuon ni Ederlito.
Si PO2 Rommel Gomez, desk officer sa Danao Police Station nga nahinabi sa dySS ug Sun.Star SuperbaÂlita nagkanayon nga dunay tigbakayan sa lugar.
Ang mga biktima ug suspek lakip nga nanugal, apan nagkalalis human sa sultada sa ilang mga manok nga gipustahan kay wa magkasinabot sa ilang gipatad.
Wa maistablisar kon pila ang kwarta nga maoy gilalisan nga nga nisangko sa pagpamusil.
Gibutyag ni Gomez nga samtang nagsigeg lalis, si Bacang kalit nga nibunot sa wa matinong kalibre sa armas gikan sa iyang kilid ug gipusil gilayon si Abundio nga naigo sa ulo.
Gisunod niya pagpusil si Ederlito nga naigo sa tiyan.
Si Cornelito nga nakakita nga gipamusil ang iyang amahan ug igsuon, nibunot sab gilayon sa iyang armas ug gipusil sa makadaghan si Joselito, kinsa gideklarar nga dead-on-arrival (DOA) sa tambalanan sa Danao City.
Samtang ang mga biktimang amahan ug anak gidala sa dakbayan sa Sugbo, apan si Ederlito namatay sulod sa VSMMC.
Sa pagsuwat ning taho, naa pa sa kritikal nga kahimtang ang iyang amahan nga gioperahan sa ulo.
Matod ni Gomez nga nagtibuwaag sa pagpanaganan ang mga tawo nga nanugal sa tigbakayan dihang nagbuto-buto na.
Linkback:
https://tubagbohol.mikeligalig.com/index.php?topic=79466.0
Topic: Sa tigbakay sa barangay dihay nanggiaway nagsyinagitay nagpinusilay nangamatay (Read 660 times)