Sa hukom ni Cebu City RTC branch 20 Judge BienÂvenido Saniel, gihimug-atan niini nga kumpleto ang tulo ka mga elemento sa qualified trafficking sa kaso batok sa duha ka mga babayeng akusado.
Kini naglakip sa ilang pagbugaw og mga babaye ngadto sa mga kostumer, pagpatrabaho og menor de edad ingon man ang pagpatrabaho sa mga babaye alang sa sexual exploitation ug prostitusyon.
Sa laing bahin, gitumbok sa huwes nga di mahimong ipawalay-sala si Planteras sanglit ang gipanag-iya niining lodge mao may gigamit aron maabusuhan ang mga biktima.
Gani ang mga bugaw mobayad man kaniya og P50 sa matag oras nga gamiton ang usa sa mga lawak sa iyang lodge alang sa pagpakighilawas sa mga babaye ngadto sa ilang mga kostumer.
Tungod niini, ang duha ka mga bugaw gipahamtangan og silot nga pagkabilanggo sa tibuok kinabuhi ug gimanduan pagbayad og multa nga di momenus sa P2 milyones.
Samtang 15 ka tuig nga pagkabilanggo ug pagbaÂyad og multa nga P500,000 ang gipahamtang ngadto ni Planteras.
Nibaha ang emosyon sa mga akusado ug sa ilang mga kabanay human mabati ang desisyon sa korte.
Di sila makatuo sa desisyon ug nagplano sa pag-apelar niini sa mas taas nga hukmanan.
Ang International Justice Mission pinaagi sa National Director niini nga si Atty. Jesse Rudy nihangop sa desisyon sa korte.
Gikalipay niya ang pagtinabangay sa mga awtoridad pagbatok sa human trafficking ug prostitusyon.
Dugang kaso labot sa mga pagpangabuso sa kabataan ug kababayen-an ang ilang gilauman nga makadawat usab og mga paborableng desisyon sa korte human sa nahimo niining hukom batok sa duha ka mga bugaw ug usa ka lodge owner.
Linkback:
https://tubagbohol.mikeligalig.com/index.php?topic=79335.0
Topic: 2 ka babayeng bugaw nakombikto, bilanggoon hangtod sa natural nilang kamatayon (Read 664 times)