Lawas nabungkag

[hubag bohol]

SuperBalita Cebu
Ni Guam P. Logroño
Friday, November 21, 2014


NABUNGKAG ang lawas sa usa ka contractor dihang niulbo ang tanke sa acetylene sulod sa iyang shop kagahapon sa alas 10 sa buntag sa Sitio Tunga, Barangay Baliwagan, Balamban, Sugbo.

Si Markel Pilapil, 36, minyo, tag-iya sa MAP Electrical Marine Services, namatay diha-diha human maoy nasentro sa pag-ulbo sa acetylene tank.

Nangaangol ang mga trabahante nga sila si Angelo Babor, 26, ulitawo, crane operator, taga Barangay Buanoy nga gihulagway nga grabi kay nangaigo ang duha ka mga mata; Grace Capangpangan, 21, secretary, dalaga, taga Baliwagan, kinsa nabungol ug nakaangkog mga gagmayng garas sa lawas; Nestor Pinili, 55, minyo, welder, taga Barangay Cambang-og, dakbayan sa Toledo; Rodolfo Minorias, 62, mekaniko, minyo, taga Barangay Pondol; ug si Edwin Malinao, 42, mekaniko, nagpuyo sa nahisgutang lugar.

Si PO3 Marlon Pepito, imbestigador sa Balamban Po­lice Station nga nahinabi sa Sun.Star Superbalita nag­ka­nayon nga si Nestor nagputol sa mga parte sa truck crane.

Si Pilapil nag-supervise sa trabaho sa shop dihang nabantayan niya nga nitingog ug dunay mihungaw sa tanke, apan wa niya masuta kon diin gikan.

Gidali niya sa pagpawong ang iyang gigamit nga welding ug ang nozzle iyang gibutang ug gisusi kon asa gikan ang tingog.

Linkback: https://tubagbohol.mikeligalig.com/index.php?topic=79299.0

[hubag bohol]

Apan wa pa gani niya masuta asa ang hungaw, kalit nga niulbo ang tanke.

Sa kakusog sa pag-ulbo nga padung sa ibabaw, nawala ang panan-aw sa mga biktima, apan ang nasentro mao si Pilapil nga nagbarog sa tungod sa tanke.

Si Edwin naswertihan niadtong higayuna kay naka­ang­kon og gagmayng garas, apan ang nakabungog kaniya kay akto nga nisulod siya sa gitrabahong bus sa Tsunieshi, samtang sila si Grace, Nestor ug Rodolfo napagan.

Matod ni Pepito nga si Edwin nitug-an kanila nga mga usa ka tuig na nga gigamit nila
ang oxygen.

Kusog ang impact kay nasusamag lata ang ang tanke ug napiyape nga napalgan mga 250 metros ang gilay-on dihang nilupad gikan sa shop.

“Ang ubang parte sa lawas namilit didto sa shop, nagkatag pwerti gyud nga kusoga.

Naabot kuno ang tingog sa pikas barangay. Unya kon tan-awon nimo ang tanke napiyape,” dugang niya.

Si Pepito nagkanayon nga kon duna pay daghang tawo niadtong higayuna o kaha sakyanan nga niagi, hayan malakip sa pagkaangol kay daplin lang sa karsada.

Wa hinuon mabungkag ang shop kay open area.

Linkback: https://tubagbohol.mikeligalig.com/index.php?topic=79299.0

[hubag bohol]

Hmm, nabungkag? As in blown to smithereens?

Linkback: https://tubagbohol.mikeligalig.com/index.php?topic=79299.0