Ang unlan ni Senyang

[hubag bohol]

Sugilanon ni Alberto A. Alforque
Tuyan, Naga City, Cebu



MIABOT na ang bagyo sa ilang dapit. Nalisang na kaayo si Sen­yang, usa ka biyuda nga kuwartahan. Wala siya mahikatulog karong gabhiona. Kinsa bay makatulog nga nagpamati man siya sa hinaguros sa hangin ug ulan.

Nagpangurog na ang iyang kaunoran. Gidali niya paggakos ang dakong unlan nga diha sa iyang higdaanang katre. Ang iyang katabang sa balay nipauli nianang hapon ug misaad nga mobalik inigkaugma sa buntag. Distansya pod ang iyang silingan nga si Pedring, kansang anak semana pa lang nga gilubong. Namatay kini kay walay salapi para madala sa ospital. Nanghulam si Pedring kaniya og kuwarta, apan gibalibaran niya.

Mipaka ang usa ka makusog nga liti. Milantaw siya sa gawas nga bahin sa hagdanan.

Nakita niya nga misulod na sa silong ang tubig. Misamot ang iyang gibating kakulba.

Mitambo siya sa bentana. Ug taliwala sa kangitngit misinggit siyag pakitabang. Apan walay mitubag. Gilamoy sa kinanaas ang iyang tingog. Misinggit siya pag-usab. Ug dihay iyang nakita nga may kahayag sa plaslayt sa unahan.

“Tabannnggg!” misinggit si Senyang.

Didto sa karsada dihay nagpangamay kaniya ug misenyas nga pakanaugon siya sa silong.

Nagdali siya nga nanaog. Pag-abli niya sa sera naglumba pagsulod ang tubig sa hawanan.

[hubag bohol]

Ginakos ang unlan migawas siya sa balay, kay diha sa gawas naghulat kaniya ang tawo nga andam moluwas kaniya.

“Dali, Nang Senyang, gunit sa akong kamot,” awhag ni Pedring.

“Oo, Pedring, naa na ako,” ni Senyang nga miaginod padulong kang Pedring.

“Buhii nang imong gikugos kay nakabalda na sa imong lihok,” matod ni Pedring.

Hapit maabot pagkawhat ni Pedring ang kamot ni Senyang, apan nabuhian ni Senyang ang dakong unlan ug dali da kining gianod pahilayo. Nabusisi ang unlan ug misugwak ang sulod niini. Nanglutaw ang mga salaping papel ug mitipon sa nagliyo-liyo nga tubig.

Nakahilak si Senyang. Nahinugon sa iyang salapi.

Pagkabuntag mihayag na ang adlaw. Nagkuray pa sa katugnaw si Senyang nga mihigop sa kape nga sinunog bugas mais. Sa iyang atbang diha si Pedring u gang asawa niini.

“Pedring, utang ko nimo ang akong kinabuhi. Apan di pa kini paigo sa akong nabuhat nga pagdumili kanimo pagpahulam og salapi nga unta ikapatambal sa imong anak. Salapi nga giangkon hinuon sa baha!” ni Senyang nga nakahilak.

“Hikalimti na kadto, Nang Senyang. Ang nawa­lang salapi makit-an pa, apan ang kinabuhi kon mawala na di na kini mobalik pa, sama sa nahitabo sa among anak,” ni Pedring nga miagbay sa iyang asawa. (KATAPUSAN)

Gipatik sa mantalaang SuperBalita Cebu Enero 17, 2012.

[BolBuhol]

hang titolo sang kanta si Ebyang Senyang ug si Tibor Pedring  mawala sang kaniadto hang ilang mga gipangpabating kaligokgok sang doghang sangtang nagkalami hang hoyop hoyop sang hangin dang ulang. apang hang luha sang nene senyang indi gid kabayram sang sapi inig gahi na ang panahong sang gibati ni pedring.

[hubag bohol]

Hang salapi nga hingtangag sang hunasang nahimong bato na gid kag hang luha nga gumahi kay muta na gid haw.

[BolBuhol]

dapat ginsabwag na lang ni ebyang kang tibor ang ginapikong kwarta

[islander]

way gid ya kay ginakaon man sa unlan ang kwarta dayon ginahigop sa baha.

[hubag bohol]

dapat ginsabwag na lang ni ebyang kang tibor ang ginapikong kwarta

Tapos si Tibor Perding na gid ang ananorin sang baha, kag sigon sang siling mo mawala sang kaniadto hang ilang mga gipangpabating kaligokgok sang doghang, patas ang bitok-bitok haw...

[hubag bohol]

way gid ya kay ginakaon man sa unlan ang kwarta dayon ginahigop sa baha.

Hmm, payter gid pala hang unlang ini, pares sang kang Bugsay ya...

[BolBuhol]

way gid ya kay ginakaon man sa unlan ang kwarta dayon ginahigop sa baha.

hilig pod diay sang unlang si madam isles, paborito sang dumogdumog kag magtuyog na gid sija.

[islander]

ano ba gid?  syalan ba ning naangin na man kog unglang.  mohilak gani ko ron, bantay gyod ka bolbs.  masikmahan gyod ta ka, yukyukyuk.

[Pikoy]

pagsayang gid sa unlan ni senyang nga adunahan ang baha ray nalipay,,.storayaheeee,...