Dalaga Niinom ug Zonrox

[www.tubagbohol.com]

Ni Stephanie Viovicente-Berganio
SunStar Superbalita

LAING kaso na usab sa paghikog ang nahitabo kagahapon mga alas 4:00 sa kadlawon sa Macanhan, Carmen ning siyudad sa Cagayan de Oro.

Si Jessielou Lumantas, 22, dalaga, lumad nga taga siyudad sa Gingoog ang nakaplagan nga milala og Zonrox sulod sa kwarto.

Sa gihimong pakighinabi sa Sun.Star Superbalita ngadto kang Jocelyn, kinsa paryente sa biktima ug gisak-an niini samtang nagtrabaho sa usa ka dakong establismento ning siyudad.

Gisaysay ni Jocelyn nga nakamatikod siya nga magul-anon kaayo ang iyang pag-umangkon tungod sa problema niini sa pamilya.

Kanunay nga manawag ang inahan nga mangayo og kwarta kay lisod kaayo ang kahimtang ug aduna pay upat ka gagmayng mga manghod.

Nasayran nga halos walay mabilin sa sweldo niini sa
pagtrabaho kay sige ipadala sa iyang ginikanan.

"Wala gani siyay gasto sa among balay ug wala lang sab sa akoa bisan naa siyay sweldo kay buotan man sab nga bata ug walay samok," matud ni Jocelyn.

Sa wala pa nahitabo ang paghikog nakasulti kini nga nangihanglan kini og kwarta aron na usab ipadala sa ginikanan niini kay nasakit ang manghod sa biktima.

[ms da binsi]

taympa gi mention ba nga na shutay? or nalibat lang ko?

[Ginger]

dead na kay nakaplagan naman lang.

[hubag bohol]

Deadly diay ning Zonrox? Gihurot tingali nija ang usa ka galon!

[statesville]

Milala og zonrox?
 Sa amo sa Cebu ang  word milala
  kanang sama sa iro o iring nga
  it uses their tongue to lick some fluid
Naputong lang gyud siya, sayop na
 iyang hukom maghikog kon tungod
 lang sa kalisod sa panginabuhi
sad..