Fetus Nakit-an Sa Kasilyas

[www.tubagbohol.com]

Sun Star SuperBalita

NAMATIKDAN sa usa ka kostumer ang usa ka cellophane nga gisudlan og fetus sulod sa pansayan sa Ororama Supercenter, Cogon ning siyudad sa Cagayan de Oro.

Hinungdan nga gitawag niini ang sekyu sa maong establismento nga mao si Michael Jacalan ug nagpatabang.

Gisaysay ni Merlita Soriano, ang kostumer nga nakakita sa puya nga nakurat kini pag-ayo dihang pagsulod sa pansayan nagkadugo ang salog ug adunay cellophane sulod sa bowl.

Tungod niini, nagpatabang si Soriano sa sekyu ug gitan-aw nga usa kini ka fetus dayon nagdesisyon nga iturn-over ang puya sa Police Station 2 (PS2) sa Cogon.

Matud sa mga pulis nga nahinabi sa Sun.Star Superbalita nga dili pa maklaro ang hitsura sa puya ug gibana-bana lamang nilang nga anaa pa kini sa tulo o upat ka bulan.