« previous next »
Pages: 1   Go Down

Author Topic: Inspirational story: Tinguha hugot sa tinun-an sa abogasiya nga walay mga kamot  (Read 1298 times)

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Inspirational story: Tinguha hugot sa tinun-an sa abogasiya nga walay mga kamot
« on: September 15, 2015, 07:16:09 PM »
Ni SHEILA C. GRAVINEZ
 


Baba. Gipakita ni Antonie Eduard Bendanillo ning aktoha kon unsaon niya pagsuwat gamit ang ballpen nga paakon sa iyang baba. Naputol ang duha niya ka mga kamot human hikapa ang main line sa kuryente dapit sa kapilya sa ilang baryo tungod sa kakuryoso. (hulagway ni Arni Aclao)


UNSAY gamit sa imong baba?

Ang tawo gihatagan og baba sa Ginoo aron magamit sa pagkaon, pag-estorya, pagkanta, ug uban pa.
Alang ni Antonie Eduard Bendanillo, ang iyang baba dili lang sa pagkaon kondili gihimo usab niya kini nga kahimanan sa iyang pag-eskwela.

Wa siya’y mga kamot hinungdan ang iyang baba ang gigamit ni­ya sa pagsuwat.

Determinado si­ya nga mahimong u­­­sa ka manlala­ban ug ang ka­ku­wang og mga ka­mot di­li ma­ka­babag sa i­­yang pa­ngan­doy.

Si Bendanillo nga nailhan sa angga nga Tonton, usa ka third-year law student sa Southwes­tern University sa dak­bayan sa Sugbo.

Siya nadasig sa pagtungha sa kursong abogasiya tungod kay gusto niya nga mabalik ang pagsalig sa mga tawo sa ilang lugar sa sistema sa hustisya sa nasod.


Linkback: https://tubagbohol.mikeligalig.com/index.php?topic=80985.0
Logged
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co
unionbank online loan application low interest, credit card, easy and fast approval

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Re: Inspirational story: Tinun-an sa abogasiya nga walay mga kamot
« Reply #1 on: September 15, 2015, 07:17:05 PM »
Matod niya kadaghanan sa mga panghitabo sa ilang dapit sa lungsod sa Tabango, Leyte, ipaagi sa bawos-bawos ug dili sa legal nga paagi sa pag-angkon og hustisya.

Naagni usab siya nga mahimong abogado human ang iyang uyoan (ig-agaw sa iyang inahan) nga usa ka gwardya, ang namatay na lang sud sa prisohan nga wa ma­kaangkon og hustisya sa pasangil batok niini.

Ang bata giingong nanghilabot sulod sa eskwe­la­han ug ang iyang u­­­yoan gi­­­pa­­sanginlan nga ma­oy hinungdan nga na­kur­­yen­tihan ang me­nor-de-edad.

Bisan sa kakuwang sa mga kamot, da­yag sa panagway sa 29-anyos nga tinun-an ang interes nga makatapos sa pag-eskwela og abogasiya. Niadtong 2012, siya ni-gradwar sa kursong Political Science sa University of San Jose-Recoletos.

Karong semester lang siya nibalhin sa SWU.

Si Tonton, 12-anyos pa lang dihang naputol ang iyang duha ka mga kamot human makuryentihi sa main line dapit sa kapilya sa ilang baryo.

Gumikan sa kakur­yuso kon unsay mahitabo niya, iyang gihikap ang main line sa kur­yente.

Linkback: https://tubagbohol.mikeligalig.com/index.php?topic=80985.0
Logged
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Re: Inspirational story: Tinun-an sa abogasiya nga walay mga kamot
« Reply #2 on: September 15, 2015, 07:18:55 PM »
Ang iyang tuo ug wala nga kamot nadunot sa kakusog sa im­pact sa kur­yente nga niabot og 13,000 kilo volts ug kondili kini putlon posible mokatap ang infection sa ubang bahin sa iyang lawas.

Siya nagtuo nga katapusan na sa iyang kinabuhi niadtong higayona tu­ngod kay nibuto og apil ang iyang mga tiil ug dili na siya makalakaw.

Kini nahitabo atol sa summer dihang first year high school pa siya.

Gumikan sa insidente, nalandig siya sa ospital sulod sa upat ka tuig ug walo ka buwan ug laing tuig sa pagpaalim sa kadaot nga naangkon sa iyang lawas.

Giingnan siya sa doktor nga dili na siya makalakaw tungod kay nadaot og apil ang walang bahin sa iyang lawas ug dugay na siya magsige og higda.

Apan wala mawagtangi og paglaum si Tonton ilabi na nga gidasig siya sa iyang tatay nga si Eduardo, usa ka seaman, nga maningkamot nga maka­lakaw siya og balik.

Linkback: https://tubagbohol.mikeligalig.com/index.php?topic=80985.0
Logged
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co
unionbank online loan application low interest, credit card, easy and fast approval

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Re: Inspirational story: Tinun-an sa abogasiya nga walay mga kamot
« Reply #3 on: September 15, 2015, 07:19:35 PM »
Sama sa usa ka batang gamay, gitabangan siya sa sinagop sa ilang pamil­ya nga makakat-on og lakaw og balik.

Usa ka lalake nga maoy nagbantay og pasyente nga kauban niya sa ospital (nakalimot na siya sa pangalan) ang nitudlo niya sa pagsuwat gamit ang pinutol nga lapis nga gibutang sa iyang baba.

Sa pagsuwat, iyang paakon ang ballpen o lapis sa iyang baba dayon isuwat sa papel o notebook.

Sa sinugdanan, naglisod siya tu­ngod kay nabag-ohan sa iyang sitwasyon ug ang pagkuriskuris lang sa papel ang iyang nahimo hangtod nga nakakat-on siya nga makadibuho ug maka-lettering.

“Nadawat nako nga ingani ko. Naa gyuy mga challenges but I take it in positive way. And whatever trials that come into my life, I bear it in a positive way,” dugang niini.

Human hingpit nakapaalim, nibalik siya og tungha sa high school ug sa kaluoy sa Ginoo naka-adjust ra siya bi­san usahay adunay mibugalbugal niya nga mga tawo sa iyang kahimtang.

“Usahay i-bully ko pero para nako di­li nako iseryuso. Kon ako sad dibdibon ta­nan ako ray mo-suffer,” pamulong ni Tonton.

Linkback: https://tubagbohol.mikeligalig.com/index.php?topic=80985.0
Logged
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Re: Inspirational story: Tinun-an sa abogasiya nga walay mga kamot
« Reply #4 on: September 15, 2015, 07:19:57 PM »
Nakat-on usab siya sa paggamit og ballpen gamit ang ibabawng bukton.

Sa klase, maminaw siya og maayo ug i-highlight ang mga panid sa libro nga gituki sa iyang mga magtutudlo.

Si Atty. Godwin Manginsay, chief legal counsel sa SWU ug usa sa mga maestro ni Tonton, niingon nga hatagan nila og igong panahon ang maong tinun-an nga makatiwas sa mga exam.

“I always give opportunities to those people who are handicapped. Akong nakita niya nga dili hindrance sa pag-achieve sa iyang goals ang iyang pagka handicapped,” dason sa manlalaban.

Siya nidasig sa mga tawo nga sama niya nga dili mawagtangan sa paglaum ug maningkamot sa pagkab-ot sa damgo sa ilang kinabuhi.

“Despite dunay disability naa pay opportunity moabot sa ilang kinabuhi nga dili makuha sa usa ka tawo nga kumpleto. Naay possibility nga sila pay maka-achieve ana. Aim high,” pagdasig ni Tonton sa mga tawo nga dunay kakulian sa panglawas nga dunay mga damgo nga molampos sa kinabuhi.


Gipatik sa mantalaang SuperBalita Cebu Septembre 15, 2015.

Linkback: https://tubagbohol.mikeligalig.com/index.php?topic=80985.0
Logged
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Re: Inspirational story: Tinun-an sa abogasiya nga walay mga kamot
« Reply #5 on: September 15, 2015, 07:20:51 PM »
Logged
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co
unionbank online loan application low interest, credit card, easy and fast approval
Pages: 1   Go Up
« previous next »
Tags: