MikeLigalig.com

(Gikan sa Bantay Balita newpaper ni.

Ang mga sakop sa Bohol Municipal Tresurers League (BOMUNTREAL) nga maoy tigkupot sa puntil sa kalunsoran nagtigum.

Ang ilang binulang tigum gipahigayon sa JJ’s Dimsum Restaurant, dalan CPG Avenue, dakbayan sa Tagbilaran, sa nilabayng Martes, Hulyo 10, 2007.

Gihisgutan sa tigum mao ang pagpasa sa usa ka relasyon nga ang tigkupot sa puntil sa kalungsuran kon tesorero mahimo nga magdeposito ilabi na sa kinitaan sa liga ngadto sa Postal Savings Bank (PSB) ning dakbayan.

Gituki sa maong resolusyon nga kanang PSB, susama usab ang interes nga gihatag gikan sa Development Bank of the Philippines dunay kahigayonan nga adto usab ang tesorero magdepositohan ilabi na ang kinitaan sa liga.

Nasayran nga adunay dugang banko nga mag operate ning atong ciudad.

Sumala pa ni Ranulfo Suarez, mamahandi sa Catigbian, ug presidente sa BOMUNTREAL, ang operasyon sa PSB, magsugod sa Hulyo 28, ning bulana.

Nasayud si Suares, sa pagbukas sa PSB, tungod kay ang iyang anak usa sa empleyado sa maong banko.

Si Fulgencio “Dodoy” Paña, mamahandi sa lungsod sa Carmen, og bise presidente sa Liga, nagbutyag nga ang PSB, usa kini “semi” government bank.

Laing resolusyon nga gipasaka mao ang paghatag og insentibo sa mga tesorero niadtong adunay daghang makolektang buhis sa matag lungsod.

Matod pa insentibong makahatag og kadasig og makapakugi pagpangitag paagi nga makolekta gayud ang buhis ilabi na niadtong mga delingkwente.

Ang Bohol Provincial Treasurer Eustaquio Sukorin, nitambong sa tigum ug nagpahayag sa katinawan kabahin sa resolusyon nga gipasaka.

Ang mga opisyles sa Liga, Ranulfo Suarez, Catigbian, presidente; Fulgencio “Dodoy” Pana, Carmen, Bise presidente; Victorieta Loquere,Clarin, mamahandi; Peregrina B. Curayag, Corella, kalihim; Iluminada Cabansay, Loboc, pangabagang mamahandi; Carmelita Jeminez, Calape, tigsusipi.

Mga sakop sa hunta deriktiba, unang distrito Servenda Salomon, Tubigon ug Liner Banac, Balilihan; ikaduhang distrito, Eduardo Socias, Jetafe; ikatulong distrito, Romana Ochavillo, Garcia Hernandez ug Paterno Magallanes, Sierra Bullones.

Linkback: https://tubagbohol.mikeligalig.com/index.php?topic=2760.0