Miriam seryoso, maalamon ug idolo sa kabatan-onan---Chatto
GIHULAGWAY ni Gob. Edgar Chatto ang pagtaliwan ni kanhi Sen. Miriam Defensor-Santiago nga pagkahanaw sa usa ka lider ug Pilipino nga “seryoso, maalamon.â€
Giila usab niya nga “idolo sa kabatan-onan†ang senadora, kinsa nipanaw sa katulogon kagahapon sa edad nga 71 human sa iyang pakigbugno sa kanser sa baga.
Nahinumdum si Chatto, kinsa kanhi kongresista, sa nag-uban sila ni Santiago sa usa ka opisyal nga panaw sa gawas sa nasud kaniadto.
Si Santiago usa ka “fighting advocate†kinsa usab gidayeg sa iyang kabanggiitan sa pamalaod ug pagpanday og mga balaod, matud sa gobernador.
Matud ni Chatto, ang adbokasiya ni Santiago sa dayag nga kagamhanan ug kontra sa kahiwi-an nagdasig sa tanang henerasyon sa mga Pilipino.
Gipasalamatan ni Chatto si Santiago sa iyang masilakong serbisyo ug kontribusyon sa tulo gyod ka mga sanga sa kagamhanan---ang ehekutiba, lehislatura ug hudikatura.
Linkback:
https://tubagbohol.mikeligalig.com/index.php?topic=82857.0