tungod kay ako usa man ka avid fan ni yoyoy ug ang akong "nickname" dinhi ning maong website ako ma'ng hinulaman ni yoyoy, na-aghat ko pagsalmot niining hisgut-hisgut bahin niya.
ang tinuod, ang katawhang bol-anon nagpasidungog kang yoyoy. ang iyang lamay, perteng daghanang tawo. ang mga politiko ra sa probinsya ang wa magpasidungog. ang mga politiko sa syudad sa tagbilaran mipasar og resolusyon pagpasidungog ni yoyoy ug ang mga kadagkoan sa natad sa kultura ug mga local artists milamay didto sa balay sa mga villame sa calape.
tinuod pud nga si board member amalia tirol miduso og resolusyon pagpasidungog ni yoyoy pero gibabagan sa mga kauban niyang politiko, pinangulohan ni herrera. ug mao ni kuno ilang mga rason...
mafe lejos: "didtos manila, milimud si yoyoy nga bol-anon siya."
azon galbreath: "kinsa ma'ng asawaha ang padad-an og pasidungog nga duha may asawa ni yoyoy".
felix uy: "gikiha si yoyoy ni kanhi judge inting kay nagpaka-uwaw sa mga bol-anon kay nanghilam-os sa inuduro sa iyang sine nga "bol-anon ko nyor".
ang reaksyon sa katawang bol-anon:
tinuod nga dihay panahon nga milimud si yoyoy nga bol-anon; kay gi-unay man siyag kiha sa usa ka abogadong bol-anon bisag dili tinuod nga nagpaka-uwaw sya sa mga bolanon. gani, source of pride pa siya nato kay ang iyang mga komposisyon, ilabi na ang "butsikik" gi-ila sa tibuok kalibutan nga "highly creative" ug gi-awit sa mga world class choral groups bisan sa europe.
sa dihang na-born again christian si yoyoy, nagbasol siya sa iyang mga binuhatan. gi-angkon niya ang sayup nga paglimud sa pagka-bol-anon. mi-uli sa bohol ug nakighimamat pagbalik sa iyang pamilya ug kaparyentehan; milangsad pagka-konsehal sa parañaque ug midaug.
og kanang mga politiko nga nanaway ni yoyoy, unsa mampuy moral standing ana'ng mga tawhana? good example ba pud na sila? or labaw pa'ng salawayon?
gawas pa, dili ang personal nga pagkatawo ni yoyoy ang gihisgutan sa pasidungog, kon dili, ang iyang pagka-creative boholano artist! pero wa gyud ang mga politiko manumbaling. dihay migawas nga tsismis sa calape NGA GIBABAGAN KUNO NI HERRERA ANG PASIDUNGOG ALANG KANG YOYOY TUNGOD KAY SI YOYOY MAN ANG NAGSULAT SA CAMPAIGN JINGLE NI DR. YU NGA MAO'Y NAKAPILDI SA ANAK NI HERRERA PAGKA-MAYOR SA CALAPE.
hugaw nga pamolitika gihapon ang nilugdangan!
but beyond the dirty politics, LONG LIVE YOYOY VILLAME!!! YOUR SONGS WILL LIIVE FOREVER!
tana, "mag-exercise ta sayo sa buntag, sayo sa buntag..." etc etc etc
Linkback:
https://tubagbohol.mikeligalig.com/index.php?topic=1033.0