15 ka bata nga taga Getafe naluwas gikan sa traffickers nga taga Luzon

  • 7 replies
  • 5809 views
*

hubag bohol

  • *****
  • 89964
  • "Better to remain silent and be thought a fool...
Ni Lesley Caminade-Vestil ug Ryan Sorote (Banat) Updated August 07, 2011 12:00 AM


CEBU, Philippines - Kinse ka mga minor de edad ang naluwas sa Maritime Police gikan sa mga gidudahang human traffickers nga taga Luzon sa miaging gabii sa Pier 3 ning dakbayan.

Ang mga menor de edad nga pulos mga babaye nagpangidaron gikan sa 14-anyos ngadto na sa 17-anyos nga mga taga Getafe, Bohol .

Samtang ang gidudahang illegal recruiters nagpangidaron usab og 41-anyos uban sa iyang anak nga 22-anyos nga anak nga babaye kansang mga pangalan gipugngan una sa Banat News hangtud nga wala pa mapasaka ang kaso batok kanila.

Matud pa ni Senior Inspector Joselito Oñez sa Cebu Maritime Police usa ka gwardiya sa Pier 3 ang nakakita sa duha ka hamtong nga babaye nga nagpanon uban sa kinse ka mga batan-on nga nanganaog sa usa ka fastcraft gikan sa Tagbilaran, Bohol pasado alas-6 sa gabii.

Ang gwardiya gikatahong gibati og katahap sa linihukan sa duha ka hamtong nga kauban sa grupo sa mga bata hinungdan nga kini mitawag sa Maritime Police.

Tungod niini, ang Maritime Police daling misusi sa maong lugar ug giduol ang maong mga hamtong ug diha nila madiskubrehing kadudahan ang mga pamahayag sa duha.

Sa ilang gipahigayon nga inisyal nga imbestigasyon ang duha ka gidudahang illegal recruiters nga pulos taga Tandang Sora sa Quezon City nangangkong ilang mga paryente ang maong mga bata sa Getafe, Bohol .

Base sa nakuha sa ilang mga kamot nga ticket nasayran nga ang duruha migasto og di mominos P20 mil isip pamilite sa mga bata gikan sa Bohol nganhi sa Sugbu.

Nasuta usab nga gikatakdang manakay ang grupo og barkong padulong sa Manila nianang alas-8 nianang gabhiuna ug nagpaabot og masakyan padulong unta sa Pier 6 apan naabtan sa mga polis.

Atol sa pagsukit-sukit ang duha nangangkon nga buot lang nilang tultolan ang maong mga batan-on padulong sa Manila aron makatrabaho.

“Pagtulong lang ginawa namin at ito na ang ginawa nila sa amin,” matod pa sa usa sa mga gikatahong recruiters ngadto sa mga polis. Ang kinse ka menor de edad nga babaye gi-turnover na sa buhatan sa Department of Social Welfare and Development aron matabangang makauli sa ilang mga lugar.

Ang duha nagtingkagol sa Waterfront Police Station ug pasakaan og kasong Republic Act 9208 o Anti-Trafficking in Persons Act 2003.   - (BANAT NEWS)



Linkback: https://tubagbohol.mikeligalig.com/index.php?topic=42757.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

*

hubag bohol

  • *****
  • 89964
  • "Better to remain silent and be thought a fool...
Re: 15 ka bata nga taga Getafe naluwas gikan sa traffickers nga taga Luzon
« Reply #1 on: August 07, 2011, 09:06:05 AM »
Ang mga menor de edad nga pulos mga babaye nagpangidaron gikan sa 14-anyos ngadto na sa 17-anyos nga mga taga Getafe, Bohol.

Hmm, unsa kahang klase sa panginabuhi ang padulngan unta aning mga bataa... ::)

Linkback: https://tubagbohol.mikeligalig.com/index.php?topic=42757.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

*

Raquelproud boholana

  • ***
  • 5112
  • mother of 4
Re: 15 ka bata nga taga Getafe naluwas gikan sa traffickers nga taga Luzon
« Reply #2 on: August 07, 2011, 11:11:18 AM »
Duha ray padulngan Toy either Mead or the oldies profession. Basin ang mga ginikanan pud aning mga bataa  naay full consent kay nganong nagpanon man beh. Gipasaligan jud ni mga ginikanan ani or gibayran ba kaha ug una una


Linkback: https://tubagbohol.mikeligalig.com/index.php?topic=42757.0
"We may be surprised at the people we find in heaven. God has a soft spot for sinners. His standards are quite low"---Bishop Desmond Tutu


*

hubag bohol

  • *****
  • 89964
  • "Better to remain silent and be thought a fool...
Re: 15 ka bata nga taga Getafe naluwas gikan sa traffickers nga taga Luzon
« Reply #3 on: August 07, 2011, 12:04:01 PM »
Hmm, malagmit gibayran tuod... ;D

Linkback: https://tubagbohol.mikeligalig.com/index.php?topic=42757.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

*

hubag bohol

  • *****
  • 89964
  • "Better to remain silent and be thought a fool...
Re: 15 ka bata nga taga Getafe naluwas gikan sa traffickers nga taga Luzon
« Reply #4 on: August 08, 2011, 04:52:29 PM »
Arsobispo nasubo sa human trafficking
Ni Sheila C. Gravinez
Sunday, August 7, 2011


NASUBO ang Arsobispo sa Sugbo Jose Palma sa laing kaso sa human trafficking diin 15 ka mga menor-de-edad nga mga babaye nga gikan sa Getafe, Bohol ang suway unta nga ipalusot paingon sa Manila dihang nidunggo ang ilang gisakyan nga barko sa pier 4 sa dakbayan sa Sugbo.

Matod niya angay na nga masumpo ang maong illegal nga kalihukan gumikan kay nakalapas kini sa balaod sa mga tawo ug sa balaod sa Ginuo.

“Sa tanan nga nag-una-una niini, we know that it’s against the law of the state and the law of the Lord. So please we should never do that,” paambit ni Palma sa pakighinabi sa mga tigbalita atol sa iyang pagbisita sa Barangay Pasil syudad sa Sugbo kagahapon sa buntag

Ang 61-anyos nga Arsobispo nipahimangno sa komunidad nga kanunay mag-igmat batok sa mga tawo nga nagpaluyo sa human trafficking ug mosumbong dayon sa mga awtoridad kon dunay mamatikdan nga nagbuhat niini.

Siya nipasalig nga ang simbahang Katoliko hugot nga ningsuporta sa gobiyerno pakigbatok sa human trafficking.

Mao kini’y pamahayag ni Palma human naluwas sa mga sakop sa Maritime Police niadtong Biyernes sa gabii ang 15 ka mga babaye nga pulos mga menor-de-edad nga nagpangidaron og 17-anyos paubos nga giingong gipasaligan nga hatagan og trabaho sa Manila isip katabang sa balay ug attendant sa internet café, karenderia ug restaurant.

Sa maong operasyon, nasikop ang inahan ug anak nga sila si Emma Leocadio, 41 ug Sherryl Leocadio, 22, dalaga nga taga Quezon City nga giingong mga illegal recruiter.

Ang mga menor, anaa na sa kustodiya sa Department of Social Welfare and Development sa Central Visayas.

Siya nanghinaut nga pahugtan sa mga awtoridad ang kampanya batok sa human trafficking labi na kadtong mamiktima og kabataan.

“I hope nga labi na sa Cebu, this thing should not happen. We will do our best that this thing will be avoided,” dugang ni Palma. --Gipatik sa mantalaang SuperBalita Cebu Agosto 08, 2011.

Linkback: https://tubagbohol.mikeligalig.com/index.php?topic=42757.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

*

islander

  • *****
  • 46867
  • If you're from Pluto, you're welcome.
Re: 15 ka bata nga taga Getafe naluwas gikan sa traffickers nga taga Luzon
« Reply #5 on: August 08, 2011, 05:24:48 PM »
makaingon na lang ko nga swerte tawon kay wa ni sila pangidnapa, mas swerte pa gyod kay nasakpan nga wa pa kalarga.  wa gyod tawoy chance kun moabot na sa manila.   

Linkback: https://tubagbohol.mikeligalig.com/index.php?topic=42757.0
Republic Act 8485 (Animal Welfare Act of 1998, Philippines), as amended and strengthened by House  Bill 6893 of 2013--- violation means a maximum of P250,000 fine with a corresponding three-year jail term and a minimum of P30,000 fine and six months imprisonment

Book your travel tickets anywhere in the world, go to www.12go.co

*

hubag bohol

  • *****
  • 89964
  • "Better to remain silent and be thought a fool...
Re: 15 ka bata nga taga Getafe naluwas gikan sa traffickers nga taga Luzon
« Reply #6 on: August 08, 2011, 07:49:53 PM »
Basin ang mga ginikanan pud aning mga bataa  naay full consent kay nganong nagpanon man beh.

Maayo jud tingaling pagkahaylo sa ginikanan. Basin pud nag-ibog-ibog ra ang uban...

Linkback: https://tubagbohol.mikeligalig.com/index.php?topic=42757.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

*

hubag bohol

  • *****
  • 89964
  • "Better to remain silent and be thought a fool...
Re: 15 ka bata nga taga Getafe naluwas gikan sa traffickers nga taga Luzon
« Reply #7 on: August 08, 2011, 07:53:26 PM »
Mao kini’y pamahayag ni Palma human naluwas sa mga sakop sa Maritime Police niadtong Biyernes sa gabii ang 15 ka mga babaye nga pulos mga menor-de-edad nga nagpangidaron og 17-anyos paubos nga giingong gipasaligan nga hatagan og trabaho sa Manila isip katabang sa balay ug attendant sa internet café, karenderia ug restaurant.

Malagmit ang mga kyut mapunta sa laing klase sa trabaho...

Linkback: https://tubagbohol.mikeligalig.com/index.php?topic=42757.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co