By Glen P. Sibonga
PEP.ph
Naging usap-usapan ang lumabas kamakailan na photo scandal sa front page ng isang tabloid. Bumalandra ang isang larawan ng magkasintahang Derek Ramsay at Angelica Panganiban kung saan ang kanang kamay ng young actress ay nakapasok sa loob ng board shorts ng boyfriend niyang si Derek.
Ang larawang ito ay kaagad lumikha ng malakas na ingay sa showbiz kaya naman hiningan ng pahayag ng The Buzz si Derek ukol sa naturang photo scandal. Inamin naman ng aktor na sila nga ni Angelica ang nasa controversial photo.
"I will not deny it," sabi ni Derek. "I know we had a picture like that two or three years ago. I know that the picture was taken in Boracay with a group of friends just having fun. So, if you're gonna ask me if I think it was a friend who sold the picture, I don't think so. A lot of my friends will not do that to us."
Ayaw namang sabihin ng tabloid ang pinagmulan ng pinag-uusapang larawan nina Derek at Angelica. Sinabi lang nila na umano'y December of last year nang may tumawag sa kanila para ibenta ang naturang larawan. Ayon pa sa tabloid, nai-offer na rin daw sa ibang babasahin ang naturang larawan pero walang bumili at tanging sila lang daw ang nagkainteres na bilhin ito.
Sa panibagong kontrobersiyang kinasasangkutan nilang dalawa, sinabi ni Derek na ang kapakanan daw ni Angelica ang inaalala niya ngayon.
Linkback:
https://tubagbohol.mikeligalig.com/index.php?topic=26429.0