Dear Friends,
Tungod sa akong ka-busy wala na ko maalinggati ang founding anniversary nga petsa sa atong TubagBohol.com. (It's been six years. Yes, 6. TubagBohol.com was first created on April 22, 2007 a year after I arrived in Thailand.)
Namugna ang TubagBohol isip subdomain sa akong personal nga domain name. Sa sinugdanan, ang akong panglantaw mao nga matapok ang mga impormasyon mahitungod sa Bohol nga akong nahagpat sa newspaper, libro, email, ug Internet.
Sa una kong paghidangat sa Thailand, nagsige ko ug padala ug mga email sa mga opisina o business outlet sa pamasin nga makakuha ko ug information nga buot kong ipaambit usab sa uban. Wala ko makadawat ug tubag. Tungod niining maong kasinatian, gisugdan ko pagpanday ang TubagBohol.mikeligalig.com isip sang-atan sa akong mga kalaay ug kamingaw samtang nagpuyo sa halayong dapit. Paglabay sa pipila ka bulan, gi-acquire ko ang TubagBohol.com nga domain.
Sa tanan nga padayon mitubay ning atong website, nasayod ko nga kinasing kasing ang inyong pagmahal sa Bohol ug tinud-anay ang inyong pagbati nga makapaambit ug mga impormasyon o kasayoran, balita, mga pakatawa, mga isyu kabahin sa atong katilingbang Pilipinhon, ug uban pa. Ug salamat nga sa minglabay nga unom ka tuig, ania gihapon ta nagtikaw-tikaw ug madasigon nga naghatod ug nagpaambit ug kaalam ug kinaadman alang sa tanang nga motugpda o masaag ning atong forum site.
Kaninyong tanan, daghang salamat. Makaseguro mo nga akong buhaton ang tanan pagsakripisyo ug pagbugtaw aron molungtad ang TubagBohol.com sa daghan pang mga katuigan ug maagwanta pa ang galastoan ug pagbilar.
God bless us all. Ug Happy Anniversary sa TubagBohol.com
Kaninyong tanan sa kanunay maalagaron,
Mike
Linkback:
https://tubagbohol.mikeligalig.com/index.php?topic=72152.0