dear carla,
ang kalipay sa usa ka tawo wa mag-agad sa oyab-oyab. angay ka pang malipay kun wa kay oyab nga mopahilak lang nimo kay kusog mangluib o ba kaha ang puntirya diay ang imong brother.
kabahin sa imong plus size, ayaw kaguol. tanan baye wa gyod makontento sa ilang porma. gapasabot na nga normal ka. it's a matter of attitude, matod pa. dakog puruhan nga bisan ug nagtuo ka nga lechonable ka, ang tinan-awan sa uban pleasantly plump ka lang, himsog, makita kun asa nipaingon ang imong gikaon, di alkanse sa gasto ug maintenance.
kabahin niining guol-guol sa porma, nakaagi sad baya ko, although mine was the opposite. sa sobrang kaniwanggot at 82 pounds sa bata-bata pa ko, daghang makahiubos nga estorya akong nadunggan. kun di ko ingnong addict, ingnon kog bitokon kay di kuno makita ang akong kinaon. see? we cannot please everyone. bisan kadtong opaw nagpadungog-dungog sa una nga di kuno siya nako tungod sa akong kaniwang. imagine, wa gani siya makahunahuna nga di sad ko niya kay madalin-as ko sa kasinaw sa iyang ulo o ba kaha kun matuslok iyang ulo sa akong ka-toothpick mobuto dayon ni morag mickey mouse bubble gum.
but i never equated my spectral form with this thing called love. ang atong porma way labot sa atong swerte. so cheer up. true love comes when you least expect it, like a thief in the night. it also comes from the most unexpected places. like manila and bohol, perhaps. oh, do remember to give chongki your mobile phone number.
sincerely,
ate islander
Linkback:
https://tubagbohol.mikeligalig.com/index.php?topic=56532.0